Lavurs
Els exequeschan suandantas lavurs:
Elavurar textilias e material d'emplenir
- Eleger e planisar la moda e maniera adattada per elavurar la taila correspundenta
- far or cun il fier
- mesirar, tagliar e fixar la taila
- cuser a maun u cun la maschina da cuser , p.ex. volants posamentaria e pizs
- lavurar cun utensils sco il meter dubel, il circul, il squader sco er forschs e guglias da cuser
- elavurar tgirom e material d'emplenir, sco per exempel surtratgas vattadas u rauba da letg
- montar ils products finids, per exempel sistems da sumbrivals
Cussegliar la clientella e far offertas
- cussegliar la clientella a moda cumpetenta ed amiaivla
- tadlar ils giavischs da la clientella e far propostas cun bun stil
- far offerts e reglar las incumbensas a moda professiunala
- tegnair net il lieu da lavur e resguardar las prescripziuns da la protecziun da l’ambient, da la sanadad e da la segirezza da la lavur
Scolaziun
Basa legala
Ordinaziun federala 31-5-2010
Durada
3 onns
Furmaziun en la pratica
En in manaschi da decoraziuns d’interiurs
Furmaziun en scola
plirs curs da bloc ad onn a la Scola professiunala Soloturn u in di per emna a la Scola professiunala artisanala Cuira
Roms professiunals
- cussegliaziun e vendita
- confecziun
- segirezza da la lavur, protecziun da la sanadad, protecziun da l’ambient
Curs ordaifer il manaschi
Emprender ed exercitar a moda pratica la basa professiunala
Maturitad professiunala
Cun fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Diplom
Attestat federal da qualificaziun "creader / creadra da textilias interiuras AFQ"
Premissas
Furmaziun preliminara
- temp da scola obligatoric terminà
Pretensiuns
- inschign manual
- senn per colurs e furmas
- mauns inschignaivels per lavurar a moda exacta
- betg daltonic
- pazienza e premura
- imaginaziun dal spazi
Furmaziun supplementara
Curs
purschidas da scolas spezialisadas e professiunalas, dad interieursuisse sco er da manaschis da furniziun
Examen professiunal (EP)
creader / creadra da textilias interiuras, cussegliader / cussegliadra d’indrizs interns, colurist / colurista
Examen professiunal superiur (EPS)
decoratur / decoratura d’interiurs dipl.
Scola spezialisada superiura (SSS)
studis en champs parentads, p.ex. tecnicist diplomà / tecnicista diplomada SSS textil, tecnicist diplomà / tecnicista diplomada SSS planisaziun da construcziun (approfundaziun architectura d’interiurs) u creader diplomà / creadra diplomada SSS design industrial (approfundaziun design textil)
Scola auta spezialisada (SAS)
Studis en champs parentads, p.ex. Bachelor of Arts (SAS) en architectura interiura, Bachelor of Arts (SAS) en design da products e design industrial.Tut tenor scola auta spezialisada valan differentas cundiziuns d'admissiun.
Cundiziuns da lavur
Creadras e creaders da textilias interiuras lavuran savens en manaschis da decoraziun interiura. Patruns pussaivels èn dentant er negozis gronds u chasas da mobiglias cun agen atelier da cuser sco er manaschis da producziun da la branscha da mobiglias e textilias. Creaders da textilias interiuras èn spezialists tschertgads sin il martgà da lavur.
Ulteriuras infurmaziuns
Interieursuisse
Eichholzstr. 11
Chascha postala 428
2545 Selzach
Tel: +41 32 641 66 10
URL: www.interieursuisse.ch
Revista professiunala:
"interieur"