Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Fufragnar en in manaschi d'emprendissadi

In fufragnadi è ina buna pussaivladad d'emprender d'enconuscher ina professiun en la pratica. Tge modas da far fufragnadi datti? Tgenin è il temp ideal? Tge far, sch'i na gartegia betg da chattar in lieu da fufragnar?

Invista profunda en las professiuns

Manaschis d'emprendissadi ord tut las branschas porschan la pussaivladad da far fufragnadis. Quai è la chaschun da

  • s'infurmar pli intensivamain davart ina professiun
  • vesair e viver la vita professiunala en in manaschi: biro, lieus da producziun, guaffens, materials che vegnan duvrads, plan da temp da lavur, la vita en in manaschi euv.
  • exequir simplas lavurs a moda independenta
  • discussiunar cun glieud dal fatg davart lur professiun
  • verifitgar, schebain il maletg d'ina professiun correspunda a la realitad
  • chattar ora, sche las abilitads tanschan per ademplir las pretensiuns da la professiun
  • far in emprim pass en la tschertga d'in lieu d'emprendissadi

Trais modas da fufragnadis

Fufragnadi n'è betg adina fufragnadi. I dat trais modas: la visita curta, il fufragnadi usità ed il fufragnadi integrà en la procedura d'annunzia per in emprendissadi:

Fufragnadi curt per l'elecziun da clamada

  • Visita da differents champs da lavur en in manaschi
  • 1 di
  • Intginas lavurs pon vegnidas exequidas. Il fufragnadi curt pussibilitescha in'invista concreta en la vita professiunala d'in manaschi. I n'è dentant betg pussaivel dad avair invista en l'entira paletta da las lavurs da la professiun.

Fufragnadi per l'elecziun da clamada

  • Invista en las lavurs tipicas da la professiun ed exequir lavurs en in manaschi d'emprendissadi
  • 2 – 5 dis
  • Ils giuvenils lavuran activamain en in manaschi d'emprendissadi. Manaschis gronds porschan programs spezials da fufragnar. Il fufragnadi pussibilitescha uschia in'invista profunda en las pli impurtantas lavurs d'ina professiun.

Fufragnadi d'annunzia per in lieu d'emprendissadi

  • Il fufragnadi d'annunzia per in lieu d'emprendissadi è ina cumponenta impurtanta da la procedura d'elecziun d'ina emprendista u d'in emprendist.
  • Il manaschi d'emprendissadi envida ils giuvenils ad in fufragnadi ed examinescha, sch'els èn adattads per questa professiun e per quest lieu d'emprendissadi.

Cura fufragnar

Fufragnar è pussaivel davent il 13avel onn da naschientscha. Normalmain han quests fufragnadis lieu durant las vacanzas da scola. N'è quai tar ina firma betg pussaivel, pon fufragnadis era vegnir absolvids durant il temp da scola. En in tal cas sto la magistra u il magister da classa vegnir infurmada/infurmà. I dovra ina lubientscha da la scola per pudair far in fufragnadi durant il temp da scola. In bun temp per fufragnar è durant la perioda davent las vacanzas da sport fin las vacanzas da stad en la segunda classa superiura.

Tge far, sch'i na gartegia betg cun il fufragnar

Per obtegnair ina buna invista en ina professiun, datti sper ils fufragnadis anc ulteriuras pussaivladads:

  • Discurs cun glieud dal fatg e giuvenils en l'emprendissadi:
    Per giuvnas che vulan s'infurmar davart ina professiun che n'è betg tipica per ina dunna, èsi impurtant da discussiunar cun ina dunna dal fatg. Il medem vala era per giuvens che s'interesseschan per professiuns che na vegnan betg savens elegidas dad umens.
  • Broschuras professiunalas e videos:
    Il CIP porscha tar bunamain tut las professiuns broschuras e films sin DVD.
  • Occurrenzas d'orientaziun professiunala:
    Talas occurrenzas vegnan communitgadas en las scolas u en il chalender d'occurrenzas d'infurmaziun (mo per tudestg).
  • Visitas da manaschis:
    Visitas en in manaschi da duas fin trais uras èn pussaivlas. Glieud dal fatg decleran lur lavurs. Las scolas u il CIP organiseschan talas visitas da manaschi. Infurmaziuns dat era il chalender d'occurrenzas d'infurmaziun (mo per tudestg).
  • Di naziunal da l'avegnir:
    Mintg'onn visitan giuvnas e giuvens durant il di naziunal da l'avegnir il lieu da lavur da la mamma u dal bab per uschia survegnir in'invista en la vita professiunala. Dapli infurmaziuns datti sin la pagina d'internet www.nationalerzukunftstag.ch (mo per tudestg).


berufsberatung.ch