Lavurs
Els exequeschan suandantas lavurs:
Sviluppar models
- far bainvegni a la clientella, prender encunter giavischs da clientella e la cussegliar
- far ina skizza dal toc da vestgadira, p.ex. rassas, blusas, chautschas, vestgids, mantels, chapels e chapitschas, unifurmas, scussals e vestgadira da protecziun (tut tenor accent)
- resguardar las proporziuns da corp, il stil persunal ed il budget da la clienta u dal client durant crear il model
Producir vestgadira
- prender las mesiras dal client u da la clienta per il model da tagl
- transponer il model da tagl sin la taila ed al tagliar tiers cun resguardar las parts dal tagl e la direcziun dal fil
- rinforzar las parts tagliadas cun vlieselina e las cuser ensemen cun la maschina da cuser, detagls vegnan cusids a maun sche necessari
Metter en la dretga furma la vestgadira
- controllar la lavur da cuser cuntinuadamain
- far ora cun il fier il vestgì ed al strair en la dretga furma
- valitar las cusadiras, la simmetria e l’impressiun generala dal vestgì tar la controlla finala
Scolaziun
Basa legala
Ordinaziun federala 1-11-2013 (versiun dal 1-1-2018)
Durada
3 onns
Accents
- vestgadira da dunnas
- vestgadira d’umens
- vestgadira da pel
- chapitschas e chapels
- vestgadira per la professiun e vestgadira da protecziun
Furmaziun en la pratica
En in manaschi da la moda u da la branscha da textilias
Furmaziun en scola
1 di per emna a la scola professiunala
Remartga: L'atelier d'emprendissadi da couture a Siders/VS porscha ina scolaziun a temp cumplain
Roms professiunals
- sviluppar e crear models
- producir vestgids
- garantir la segirezza da la lavur, segirar la protecziun da la sanadad e da l’ambient
Curs ordaifer il manaschi
Emprender ed exercitar a moda pratica la basa professiunala
Maturitad professiunala
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Diplom
Attestat federal da qualificaziun "creatur / creatura da vestgadira AFQ"
Premissas
Furmaziun preliminara
- temp da scola obligatoric terminà
Pretensiuns
- flair per la moda
- interess per differents materials ed in bun sentiment per material
- senn per furmas e colurs
- plaschair vi dal crear e dissegnar
- buna imaginaziun e bun egl
- bun inschign
- moda da lavur exacta
- perseveranza
- plaschair vi dal contact
- cumportament orientà a la clientella
Furmaziun supplementara
Curs
purschidas da la Schweiz. Textilfachschule STF e dal Schweiz. Modegewerbeverband SMGV
Examen professiunal (EP)
creatur / creatura da vestgadira cun certificat federal, spezialist / spezialista fashion cun certificat federal
Examen professiunal superiur (EPS)
creatur / creatura dipl. da vestgadira, designer / designra dipl. fashion
Scola spezialisada superiura (SSS)
creatur / creatura dipl. SSS design da products (approfundaziun design da moda), interprendider / interprendidra dipl. SSS textil, tecnicher / tecnicra dipl. SSS textil
Scola auta spezialisada (SAS)
studis en champs spezials parentads, p.ex. Bachelor of Arts (SAS) da product ed industria u Bachelor/Master of Arts (SAS) da conservaziun e restauraziun. Tut tenor scola auta spezialisada valan differentas cundiziuns d'admissiun.
Cundiziuns da lavur
Creaturas da vestgadira lavuran en in team en ils ateliers da la direcziun speziala elegida. Incumbensas ch’èn liadas vi da termins pretendan ina moda da lavur speditiva e flexibilitad temporala.
La professiun porscha pussaivladads multifaras per la furmaziun supplementara en la branscha da moda, design e textilias cun bunas schanzas da promoziun.
Ulteriuras infurmaziuns
SwissMode
Verband Bekleidung Schweiz
Oberer Graben 12
9001 St. Gallen
Tel: 044 252 32 20
URL: www.swissmode.org
IBBG Interessengemeinschaft Berufsbildung Bekleidungsgestalter/in
Aarauerstr. 30
Postfach 268
4600 Olten
Tel: 062 311 82 59
URL: www.ibbg.ch