Lavurs
Els exequeschan suandantas lavurs:
Organisar process
- organisar e realisar ils process dal manaschi
- endrizzar las stanzas tenor perscripziuns
- endrizzar mobiglias, illuminaziun e material da reclama uschè che tut correspunda a l'image determinà
- planisar e reparter las lavurs en in team
- introducir novs collavuraturs en la lavur
Cumprar, magasinar e preparar victualias
- cumprar, retschaiver e controllar la rauba necessaria
- magasinar las victualias cun resguardar las mesiras da l'igiena e qualitad
- preparar il plaz da lavur ed ils apparats per l'elavuraziun da las tratgas
- elavurar las victualias tar tratgas ch'èn prontas da vegni servidas
- preparar bavrondas sco café, té e bavrondas da latg cun agid dals apparats correspundents
Pinar las tratgas e servir clientella
- garnir las tratgas e las preschentar esteticamain
- duvrar agids per preschentar sco stgadellas d'etascha
- organisar l'entrada e la tegnair en urden
- preparar pusada e serviettas
- far bainvegni, cussegliar e servir ils osps
- far cassa
Scolaziun
Durada
3 onns
Furmaziun en la pratica
En in manaschi da la gastronomia da sistem
Furmaziun en scola
En l’emprim onn 2 dis per emna resp. en il segund e terz onn 1 di a la scola professiunala u en curs en bloc a la scola professiunala interchantunala
Roms professiunals
- planisaziun e creaziun dals process
- acquisiziun e preparaziun dals products
- preschentaziun e vendita dals products e cussegliaziun da la clientella
- garanzia da la durabilitad e da la segirezza
- diever da l’englais
Curs ordaifer il manaschi
Emprender ed exercitar a moda pratica la basa professiunala (18-22 dis durant 3 onns)
Maturitad professiunala
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Diplom
Attestat federal da qualificaziun "spezialist/spezialista da la gastronomia da sistem AFQ"
Premissas
Furmaziun preliminara
- temp da scola obligatoric terminà
Pretensiuns
- plaschair vi dal contact cun victualias e carstgauns
- abilitad da coordinar process da lavur
- capacitad fisica en situaziuns hecticas
- lavur orientada als giasts ed al team
- auta conscienza d’igiena
- senn per l’urden
- bun nas e bun gust
Furmaziun supplementara
Curs
purschidas da scolas spezialisadas e scolas professiunalas
Examen professiunal (EP)
cun certificat federal: mainagestiun da gastronomia, manader / manadra da sectur restauraziun etc.
Examen professiunal superiur (EPS)
cun diplom federal: manader / manadra gastronomia collectiva, interprendider / interprendidra da gastronomia etc.
Scola spezialisada superiura (SSS)
z.B. hoteliera-gastronoma diplomada SSS
Scola auta spezialisada (SAS)
z.B. Bachelor of Science (SAS) en tecnologia da victualias
Tut tenor scola auta spezialisada valan differentas cundiziuns d'admissiun.
Cundiziuns da lavur
Spezialists e spezialistas da la gastronomia da sistems lavuran en manaschis da la gastronomia da sistems e da la gastronomia collectiva. Els èn allrounders e surpiglian differentas lavurs gastronomicas e commerzialas. Els han temps da lavur irregulars ed èn la plipart dil temps en contact cun osps.
Cun diversas furmaziuns supplementaras pon els surpigliar gia baud responsabladad da direcziun. Els èn experts tschertgads.
Ulteriuras infurmaziuns
Berufsinformationen und Lehrstellen aus Hotellerie und Gastronomie
URL: www.berufehotelgastro.ch
GastroSuisse
URL: www.gastrosuisse.ch
hotelleriesuisse
URL: www.hotelleriesuisse.ch
Hotel & Gastro formation
URL: www.hotelgastro.ch