Lavurs
Els exequeschan suandantas lavurs:
Preparar las maisas e retschaiver ils giasts
- Metter a maisa e decorar
- controllar, sch'ils magiels, la porcellana, la pusada ed ils stgaudaplattas èn nets
- faudar las serviettas
- beneventar ils giasts
- accumpagnar ils giasts tar la maisa, prender encunter las giaccas dals giasts e las pender vi da la gardaroba
S'occupar dals giasts
- cussegliar ils giasts tar la schelta da las bavrondas e spaisas, er en ina segunda lingua naziunala u en englais
- recumandar bavrondas che van bain a prà cun ils menus
- metter sin plat e servir las spaisas en moda attractiva
- derscher suenter bavrondas
- purtar il quint ed incassar la summa
Davos las culissas
- coordinar las lavurs cun auters secturs dal manaschi
- organisar occurrenzas tenor las directivas dal manaschi
- preparar simplas spaisas en cas da basegn
- nettegiar mobiglias ed apparaturas
- conservar rauba
Scolaziun
Durada
3 onns
Furmaziun en la pratica
En in restaurant, hotel u manaschi da la gastronomia collectiva u da sistem
Furmaziun da scola
Variescha tut tenor il chantun: 1 di per emna a la scola professiunala spezialisada ubain duas giadas l'onn curs da bloc (mintgamai 5 emnas) en in hotel da scola da hotelleriesuisse
Roms professiunals
- agir sco ospitanta u ospitant
- concepir il service da las bavrondas
- concepir il service da las spaisas
- realisar ils process da l'economia da manaschi e da l'orientaziun a la vendita
- garantir ils process logistics e mantegnair la valur
- concepir purschidas spezialas dal manaschi
Curs ordaifer il manaschi
Emprender la lavur pratica, approfundar ed exercitar las basas professiunalas, 20 dis durant 3 onns.
Maturitad professiunala
Tgi che ha fitg bunas prestaziuns da scola, po frequentar la scola da maturitad professiunala durant l'emprendissadi.
Diplom
Attestat federal da qualificaziun "Spezialist / spezialista da restaurant AFQ"
Premissas
Furmaziun preliminara
- terminà la scola obligatorica
Pretensiuns
- plaschair vi dal contact cun giasts
- apparientscha cultivada e buna demananza
- prontezza da prestar servetschs
- spiert da gruppa
- talent organisatoric
- enconuschientschas da linguas estras
- senn per igiena
- bun palat ed odurat
Furmaziun supplementara
Curs
Purschidas da GastroSuisse, HotellerieSuisse e Hotel & Gastro formation
Furmaziun da basa scursanida
Las spezialistas ed ils spezialists da restaurant pon per regla far in emprendissadi scursanì sco cuschiniera u cuschinier AFQ, spezialista u spezialist d'hotel AFQ ubain spezialista u spezialist da communicaziun d'hotel AFQ.
Examen professiunal (EP)
Cun attestat professiunal federal, p.ex.: manadra u manader da la restauraziun, manadra u manader da la gastronomia, scheffa u schef da recepziun
Examen professiunal superiur (EPS)
cun diplom federal, p.ex.: manadra u manader da la restauraziun, manadra u manader da la restauraziun collectiva, manadra u manader d'hotellaria-economia da chasa, interprendidra u interprendider da gastronomia
Scola spezialisada superiura (SSS)
p.ex. hoteliera-gastronoma u hotelier-gastronom dipl. SSS
Scola auta spezialisada (SAS)
Studis en secturs parentads, p.ex. bachelor of science en international hospitality management u en turissem. Tut tenor la scola auta spezialisada valan differentas cundiziuns d'admissiun.
Cundiziuns da lavur
Las spezialistas ed ils spezialists da restaurant lavuran en restaurants, hotels ed en manaschis da la gastronomia da sistem e collectiva (restaurants da persunal). Las uras da lavur èn irregularas e pon durar fin tard la saira. Las dumengias ed ils firads èn dis da lavur spezialmain intensivs.
La bursa da fufragnadis e d'emprendissadis da la branscha (www.berufehotelgastro.ch) gida las persunas interessadas a chattar purschidas en tut las regiuns linguisticas da la Svizra.
Las spezialistas ed ils spezialists da restaurant che han enconuschientschas da linguas estras e pratica professiunala èn tschertgads. Cun la furmaziun supplementara correspundenta han ellas ed els bunas schanzas da survegnir ina funcziun da manar e da direcziun entaifer la branscha da gastronomia.
Ulteriuras infurmaziuns
Infurmaziuns davart la professiun e plazzas d'emprendissadi da la hotellaria e gastronomia
8046 Turitg
URL: www.berufehotelgastro.ch
GastroSuisse
8046 Turitg
Tel: +41 848 377 111
URL: www.gastrosuisse.ch
HotellerieSuisse
3001 Berna
Tel: +41 31 370 42 83
URL: www.hotelleriesuisse.ch
Hotel & Gastro formation
6353 Weggis
URL: www.hotelgastro.ch