Lavurs
Lur lavurs èn las suandantas:
Preparar las lavurs
- prender encunter e chapir las incumbensas
- guardar, ch'il material, las maschinas ed ils urdains sajan pronts, per exempel colliar las maschinas en moda segira cun l'electricitad
- controllar las parts ed ils stgaudaments furnids, p.ex. guardar, sche la furniziun è cumpletta e che nagut na saja rut
- far skizzas sin il plazzal, per che la situaziun al lieu saja clera per els
- mesirar e calcular, quant lungs ch'ils bischens per ils conducts ston esser
Montar e demontar stgaudaments
- tagliar bischens, metter quels en la dretga furma ed als buglir ensemen
- guardar sin il plan, nua ch'ils bischens ston vegnir plazzads ed als montar là
- gidar a montar stgaudaments, per exempel pumpas a chalur, indrizs solars u stgaudaments dad ieli e da gas
- gidar a demontar stgaudaments vegls
- sortir e dismetter correctamain differents ruments, observar las prescripziuns da l'ambient
- sa cunvegnir cun auters lavurants
Metter en funcziun stgaudaments
- controllar, sche la pressiun constat
- garantir, ch'i na dettia nagins lieus permeabels
- en il team, derschentar stgaudaments, per ch'i na sajan avant maun naginas contaminaziuns
- en il team, emplenir stgaudaments cun aua ed als ventilar, fin ch'il squitsch calculà è cuntanschì
Scolaziun
Durada
2 onns
Furmaziun en la pratica
En in manaschi per installaziuns da stgaudaments
Furmaziun en scola
1 di per emna en la scola professiunala spezialisada
Roms professiunals
- planisar las lavurs
- montar indrizs ed apparats termics
- installar conducts ed armaturas
- montar cumponentas d'emissiun da chalur
- prender en funcziun indrizs termics
Curs ordaifer il manaschi
Emprender la lavur pratica, approfundar ed exercitar las basas professiunalas, 21 dis durant 2 onns.
Diplom
Practicist / Practicista da stgaudaments AFP
Premissas
Furmaziun preliminara
- terminà la scola obligatorica
Pretensiuns
- inschign manual
- chapientscha pratica
- chapientscha tecnica
- agilitad corporala
- sanadad robusta
- imaginaziun tridimensiunala
Furmaziun supplementara
Curs
Purschidas da scolas spezialisadas e da scolas professiunalas spezialisadas, dals centers da furmaziun da suissetec sco er d'interpresas da la branscha da tecnica d'edifizis
Emprendissadi supplementar
Practicists e practicistas da stgaudaments AFP pon per regla far in emprendissadi supplementar scursanì sco installatur / installatura da stgaudaments AFQ. Suenter pon vegnir absolvidas las medemas furmaziuns supplementaras sco per installatur / installatura da stgaudaments AFQ.
Cundiziuns da lavur
Practicistas e practicists da stgaudaments lavuran en in manaschi per installaziuns da stgaudaments u en in manaschi cumbinà da stgaudaments, ventilaziuns e sanitar. Els lavuran adina en il team e survegnan lur incumbensas d'installaturs da stgaudaments. Els exequeschan lur lavurs da tutta aura en il lavuratori u sin il plazzal. A la lavur po per part reger canera.
Els han er contact cun clientella, furniturs e spezialistas d'autras professiuns, p.ex. architectas, planisaders da tecnica d'edifizis ed installaturs sanitars u electroinstallaturas. A la lavur portan practicistas e practicists da stgaudaments in equipament da protecziun, p.ex. chapellina, guants, chalzers da segirezza, mascra ed egliers da protecziun. Lur temps da lavur èn regulars. Mintgatant ston els dentant lavurar pli ditg, per ch'els possian observar tscherts termins. Per regla n'èsi betg difficil da chattar ina plazza d'emprendissadi. Suenter l'emprendissadi datti differentas pussaivladads da svilup. Per exempel en il sectur da l'effizienza energetica che daventa adina pli impurtanta en la branscha da construcziun.
Ulteriuras infurmaziuns
Associaziun svizra e dal Liechtenstein da tecnica da constucziun (suissetec)
8021 Turitg 1
URL: www.suissetec.ch