Zum Titel springen

Practicist / Practicista da drenascha AFP

Practicists e practicistas da drenascha nettegian e svidan implants da drenascha (bischens, lingias, chanalisaziuns, tumbins). Cun vehichels ed apparats da derschentar fan els liber stuppadas en bischens d’aua persa.  Cun lur lavur guardan els che l’aua en cuschina, bogn, tualetta e lavandaria ed auters lieus po scular senza disturbis.

Lavurs

Practicists e practicistas da drenascha enconuschan suandants indrizs da derschentar : Lingias d'aua duvrada (p.ex. lingias d'aua da la tualetta u da la duscha), lingias d'aua da plievgia da tetgs u da terrassas, lingias d'aua netta (p.ex. lingias d'aua da funtauna) e chanalisaziuns (lingias d'aua da plievgia, d'aua duvrada u d'aua maschadada)

Els exequeschan suandantas lavurs:

Preparar la lavur:
  • leger skizzas, chartas e plans
  • planisar ed organisar la lavur ed il viadi al lieu da lavur
  • preparar il material ed ils vehichels
  • chargiar ils vehichels
  • controllar ils vehichels ed ils utensils
Schubregiar e svidar:
  • nettegiar bischens e chanalisaziuns cun pressiun auta d’aua (a moda idrodinamica)
  • nettegiar bischens e chanalisaziuns cun utensils (a moda mecanica)
  • svidar las substanzas cuntegnidas dils implants da drenascha
  • dismetter il rument a moda professiunala ed ecologica
Nettezza e segirezza:
  • nettegiar ils vehichels ed ils utensils
  • remplazzar parts isadas dals vehichel u dals utensils
  • resguardar las prescripziuns da la segirezza da lavur e da la protecziun da la sanadad
  • segirar la protecziun da l’ambient e da las auas cun mesiras adattadas

Scolaziun

Basa legala

Ordinaziun federala 10-9-2013 (versiun dal 1-1-2018)

Durada

2 onns

Furmaziun en la pratica

En in manaschi dal mantegniment dal chanal

Furmaziun en scola

1 di per emna a la scola professiunala a Zug

Roms professiunals

  • planisar, preparar lavurs e rapportar davart lavurs
  • nettegiar implants da drenascha
  • segirar il mantegniment, la segirezza e la protecziun da l’ambient
  • Curs ordaifer il manaschi

    Tar differents temas

    Diplom

    Attest federal professiunal "practicist / practicista da drenascha AFP"

Premissas

Furmaziun preliminara
  • scola populara terminada
Pretensiuns
  • dun pratic
  • imaginaziun dal spazi
  • fidadadad
  • punctualitad
  • abilitad da lavurar en ina gruppa
  • buna demananza
  • buna constituziun corporala

Furmaziun supplementara

Curs

purschidas da scolas spezialisadas e professiunalas sco er da la federaziun da tetg da la branscha da mantegniment da chanalisaziuns (advk)

Tecnolog / Tecnologa da drenascha AFQ

Practicists / practicistas da drenascha AFP san frequentar ina furmaziun da basa scursanida sco tecnolog / tecnologa da drenascha AFQ (access al 2. onn da furmaziun da basa). Suenter han els las medemas pussaivladads da furmaziun supplementara sco tecnologs / tecnologas da drenascha AFQ.

Cundiziuns da lavur

Practicists e practicistas da drenascha lavuran en manaschis dal mantegniment dal chanal. I sa tracta per il solit d’affars pitschens u mesauns cun 5 fin 20 collavuraturs. En la branscha datti dentant er singuls manaschis gronds.

Els lavuran bunamain adina en in pitschen team. La gronda part dal temp èn els en viadi, savens er surregiunal.

Els prestan servetsch da pichet, mintgatant er servetschs durant la fin d’emna, quai che pretenda flexibilitad.

Ulteriuras infurmaziuns

Ausbildungsdachverband der Kanalunterhaltsbranche (advk)
Sekretariat
Wölflistr. 5
Postfach 65
3000 Bern 22
Tel: 031 370 85 85
URL: www.advk.ch




berufsberatung.ch