Lavurs
Lur lavurs èn las suandantas:
Preparar il plazzal
- preparar il material, ils guaffens ed ils apparats tenor las instrucziuns
- chargiar e segirar ils vehichels, transportar material e deponer quel correctamain sin il plazzal
- endrizzar las maschinas e segirar la plazza da lavur
Montar fatschadas
- gidar a selecziunar il dretg material per las fatschadas, p.ex. fibrocement, lain, cheramica, metal, crap natiral u vaider
- mesirar las surfatschas da la fatschada, dissegnar simpels plans e tagliar exactamain il material
- montar fixaziuns per pudair installar vi da quellas ils elements da fatschada
- francar l'isolaziun termica
- montar ils elements da fatschada cun agid d'in struvader e d'ina pistola da guttas da rebatter
- enconuscher ed observar las prescripziuns davart la protecziun da lavur
- far lavurs da finiziun vi da filadiras e colliaziuns
- far urden sin ils plazzals e scriver rapports da lavur
Reparar fatschadas
- reparar e nettegiar fatschadas
- isolar sfessas
- demontar e remplazzar elements da fatschada ruts
- tegnair en urden ils guaffens ed ils apparats
- dismetter ils ruments en moda ecologica
Scolaziun
Durada
2 onns
Furmaziun pratica
En in manaschi da la branscha da mantelladas d'edifizis
Furmaziun en scola
1 di per emna en la scola professiunala spezialisada:
• Center da furmaziun Polybau, Uzwil (SG)
• Centre de formation Polybat, Les Paccots (FR)
Cuntegn
- organisar lavurs vi da la mantellada d'edifizis
- montar sistems da fatschadas
- mantegnair e demontar sistems da fatschadas
Curs ordaifer il manaschi
Emprender, approfundar ed exercitar las basas professiunalas, 20 dis durant 2 onns
Diplom
Practicist / Practicista da construcziun da fatschadas AFP
Premissas
Furmaziun preliminara
- terminà la scola obligatorica
Pretensiuns
- inschign manual
- enclegientscha pratica
- enclegientscha tecnica
- sanadad robusta
- flexibilitad corporala
- esser senza sturnizi
- abilitad da lavurar en in team
Furmaziun supplementara
Curs
Purschidas da scolas spezialisadas e da scolas professiunalas spezialisadas sco er d'associaziuns professiunalas
Constructur / Constructura da fatschadas AFQ
Practicists / Practicistas da construcziun da fatschadas AFP pon per regla far in emprendissadi scursanì sco Constructur / Constructura da fatschadas AFQ.
Suenter pon vegnir absolvidas las medemas furmaziuns supplementaras sco per Constructur / Constructura da fatschadas AFQ.
Cundiziuns da lavur
Practicistas e practicists da construcziun da fatschadas lavuran en teams sin plazzals. Ellas ed els lavuran da tutt'aura en il liber. Durant la lavur portan ellas ed els in equipament da protecziun sco chapellinas, guants e chalzers cun chapitsch d'atschal. Lur temps da lavur èn regulars. Ellas ed els collavuran cun constructuras da fatschadas che surveglian lur lavurs e che coordineschan lur lavurs cun autras persunas spezialisadas per mantelladas d'edifizis e dal sectur da construcziun.
Practicistas e practicists da construcziun da fatschadas lavuran en interpresas da la branscha da mantelladas d'edifizis ubain en ina partiziun da construcziun da fatschadas d'ina interpresa da construcziun. Sco patruns vegnan er en dumonda manaschis industrials che produceschan products per las mantelladas d'edifizis. La branscha gioga ina rolla impurtanta per la strategia d'energia da la Confederaziun, perquai ch'ella gida a render energeticamain pli effizients ils edifizis che vegnan construids u sanads. Il martgà da lavur è bun.
Ulteriuras infurmaziuns
Center da furmaziun Polybau
9240 Uzwil
URL: www.polybau.ch