Lavurs
Practicists e practicistas da construcziun da puntanadas erigian puntanadas e tetgs provisorics. Els erigian punts e turs sin plazzas da bajetgs ed autras construcziuns. Els fan era punts per peduns u erigian tribunas per occurrenzas. Durant lur lavur vegnan els accumpagnads da constructurs e constructuras da puntanadas.
Els exequeschan suandantas lavurs:
Preparaziun
- preparar guaffens, elements da las puntanadas e maschinas che vegnan duvrads
- resguardar latiers las instrucziuns dals constructurs e las constructuras da puntanadas
- chargiar e segirar ils vehichels
- transportar e deponer il material endretg sin il plazzal
- gidar d'endrizzar las maschinas e segirar il terren, p.ex. cunfinar e signalisar il sectur d'entrada
Montascha e demontascha
- montar tut las sorts da puntanadas fixas u charrablas tenor l'instrucziun dil construider da puntanadas sin ils plazzals, p.ex. fatschadas d'edifizis, clutgers, stgalas, punts e tunnels
- construir plattafurmas, tribunas e palcs per festivals ed autras occurrenzas
- bajegiar ensemen roms da las puntanadas
- fixar ils bischens d’atschal ed ils rinforzaments en la dretga successiun
- fixar las puntanadas vid l’edifizi
- montar elements supplementars, p.ex. stgalas libras u ascensurs
- metter si plans e stender raits da protecziun
- laschar controllar la montascha da la persuna responsabla
- prender part da la controlla da finiziun, rumir il plazzal e scriver rapports da lavur
- demontar las puntanadas ed ils auters elements tenor plan
Lavurs da reparatura
- nettegiar e mantegnair elements da la puntanada e guaffens
- reparar, buglir u remplazzar parts defectas
- dismetter ils ruments adattà a l'ambient
Scolaziun
Durada
2 onns
Furmaziun en la pratica
En in manaschi da la branscha da paraids e mirs exteriurs d’edifizis
Furmaziun en scola
Curs en bloc a la scola professiunala a Uzwil/SG, Les Paccots/FR u Lugano/Ti
Roms professiunals
- prescripziuns e mesiras davart la segirezza da lavur e la protecziun da la sanadad e da l’ambient
- installaziun da stresas e sistems vi da paraids e mirs exteriurs
- montar e demontar lavurs da construcziun da puntanadas
Curs ordaifer il manaschi
Emprender ed exercitar a moda pratica la basa professiunala, 22 dis durant 2 onns
Diplom
Practicist / Practicista da construcziun da puntanadas AFP
Premissas
Furmaziun preliminara
- temp da scola obligatoric terminà
Pretensiuns
- inschign manual
- enclegientscha pratica
- enclegientscha tecnica
- sanadad robusta
- agilitad
- esser senza sturnizi
- abilitad da lavurar en in team
Furmaziun supplementara
Curs
purschidas da scolas spezialisadas e scolas professiunalas, da l’uniun Polybau sco era da manaschis da la branscha da paraids e mirs d’exteriur d’edifizis
Constructur / Constructura da puntanadas AFQ
Practicists da construcziun da puntanadas AFP pon frequentar ina furmaziun scursanida sco a constructura da puntanadas AFQ (entrada al 2. onn da furmaziun da basa).
Suenter quai han els las medemas pussaivladads da furmaziuns supplementara sco constructura da puntanadas AFQ.
Cundiziuns da lavur
Practicists e practicistas da construcziun da puntanadas lavuran ensemen cun constructurs e constructuras da puntanadas. Els lavuran da tutt’aura en il liber. Intginas lavurs èn privlusas. Perquai portan els ina chapellina e buns chalzers. Il temp da lavur è regulars. La glieud da professiun sa coordinescha cun autras persunas dal fatg da la sparta da construcziun.
Practicists e practicistas da construcziun lavuran en manaschis pign u mesauns. I sa tracta latiers da firmas da construcziun u manaschis che sa spezialiseschan sin puntanadas.
Ulteriuras infurmaziuns
Uniun Polybau
9240 Uzwil
URL: www.polybau.ch