Lavurs
Els exequeschan suandantas lavurs:
Preparar il plazzal
- preparar il material, ils guaffens ed ils apparats necessaris tenor incumbensa
- chargiar e segirar ils vehichels, transportar e deponer il material sin il plazzal
- gidar d’endrizzar las maschinas e da segirar il plazzal
Cuvrir ed isolar tetgs
- gidar d’eleger il dretg material per cuvrir ils tetgs sco per exempel quadrels da terracotga, plattas da metal u da plattamorta
- mesirar las surfatschas da tetg e designar simpels plans
- far subconstrucziuns ord lattas da laina ed allontanar il material d’isolaziun
- transportar quadrels u auters materials sin il tetg
- gidar ils cuvratetgs da metter, adattar e - nua ch’i è necessari - tagliar ils quadrels
- enconuscher e resguardar las perscripziuns davart la segirezza da lavur
- exequir las lavurs finalas vid stuppadiras da chavas e colliaziuns
- far urden sin ils plazzals e scriver rapports da lavur
Lavurs da reparatura
- renovar e nettegiar ils tetgs, stuppar stgarps
- remplazzar quadrels ed auters materials donnegiads
- mantegnair ils utensils e las maschinas
- dismetter ils ruments a moda ecologica
Scolaziun
Durada
2 onns
Furmaziun en la pratica
En in manaschi da la branscha da paraids e mirs exteriurs d’edifizis
Furmaziun en scola
Curs en bloc a la scola professiunala a Uzwil/SG, les Paccots/FR u a Lugano_Trevano/TI
Roms professiunals
- prescripziuns e mesiras davart la segirezza da lavur e la protecziun da la sanadad e da l’ambient
- installaziun da stresas e sistems vi da paraids e mirs exteriurs
- tschentar ils sistems da tetg
Curs ordaifer il manaschi
Emprender ed exercitar a moda pratica la basa professiunala. 20-22 dis durant 2 onns
Diplom
Attest federal professiunal "practicist / practicista cuvratetgs AFP"
Premissas
Furmaziun preliminara
- temp da scola obligatoric terminà
Pretensiuns
- inschign manual
- enclegientscha pratica
- enclegientscha tecnica
- sanadad robusta
- avair plaschair da lavurar ordadora
- esser senza sturnizi
- abilitad da lavurar en in team
Furmaziun supplementara
Curs
purschidas da scolas spezialisadas e scolas professiunalas, da l’uniun Polybau sco era da manaschis da la branscha da paraids e mirs d’exteriur d’edifizis
Cuvratetgs AFQ
Practicists cuvratetgs AFP pon frequentar ina furmaziun scursanida sco cuvratetgs AFQ (entrada al 2. onn da furmaziun da basa).
Silsuenter han els las medemas pussaivladads da furmaziun supplementara sco cuvratetgs AFQ.
Cundiziuns da lavur
Practicists cuvratetgs lavuran en in team en manaschis, sin plazzals ordadora e da tutt’aura. Cunquai ch’i dat diversas lavurs privlusas portan els latiers in equipament da protecziun cun egliers, chapellina, chalzers da segirezza e guants. Tut tenor stagiun po lur temp da lavur variar. Els lavuran stretgamain cun ils cuvratetgs che surveglian lur lavur e cun auters spezialists en il sectur da construcziun.
Las persunas da professiun lavuran en manaschis da la branscha da mantellada dal bajetg u en manaschis da stagners. I sa tracta per gronda part dad interpresas pitschnas u mesaunas.
Ulteriuras infurmaziuns
Bildungszentrum Polybau - Standort Ost (Hauptsitz)
9240 Uzwil SG
Tel: +41 71 955 70 41
URL: www.polybau.ch