Lavurs
Lur lavurs èn las suandantas:
Preparar lavurs
- preparar differentas tailas
- differenziar ils tocs da taila per parts sura
- manevrar differentas maschinas da cuser, p.ex. maschinas universalas da cuser, maschinas da cuser cun pitg da trapunt u maschinas dad overlock
- tscherner il fil ed il pe adattà per cuser la taila e la cusadira giavischada
- preparar il fier da stirar tenor instrucziun, per exempel giustar la temperatura e la pressiun
Cuser vestgadira
- tatgar vestgadira cun il fier da stirar
- rinforzar vestgadira cun vlieselina e la metter ensemen
- cuser vestgadira cun la maschina da cuser
- stirar cusadiras, urs e faudas tranter ils singuls pass da lavur
- cuser si tastgas, serranetgas u tschintas vi da rassas, chautschas u blusas
- controllar e stirar la vestgadira finida
Concepir ina plazza da lavur segira
- ir enturn en moda segira e tenor las prescripziuns cun las maschinas ed ils guaffens
- dismetter ruments e materias privlusas tenor las prescripziuns da la protecziun da l'ambient
Scolaziun
Durada
2 onns
Furmaziun pratica
En in manaschi da la branscha da moda u textila
Furmaziun en scola
1 di per emna en la scola professiunala spezialisada
Scolaziun a temp cumplain
Tut las purschidas: www.berufsberatung.ch/schulen
Cuntegn
- endrizzar la plazza da lavur e preparar las lavurs
- rinforzar e fixar il material taglià ora
- cuser las parts dal model
- stirar las parts da la vestgadira e dar furma
- procurar per la segirezza a la lavur e la protecziun da la sanadad
- garantir la protecziun da l'ambient
Curs ordaifer il manaschi
Emprender, approfundar ed exercitar las basas professiunalas, 16 dis durant 2 onns
Diplom
Cusunz / Cusunza da vestgadira AFP
Premissas
Furmaziun preliminara
- terminà la scola obligatorica
Pretensiuns
- senn per furmas e per colurs
- moda da lavurar exacta
- mauns inschignaivels
- senn per trends da moda
- perseveranza
Furmaziun supplementara
Curs
Purschidas da scolas spezialisadas e da scolas professiunalas spezialisadas sco er da la Cuminanza d'interess per la furmaziun professiunala da creaturas e creaturs da vestgadira IBBG.
Creader / Creadra da vestgadira AFQ
Cusunzs / Cusunzas da vestgadira AFP pon per regla far in emprendissadi scursanì sco Creader / Creadra da vestgadira AFQ.
Guardar er il film davart la professiun Creader / Creadra da vestgadira AFQ.
Suenter pon vegnir absolvidas las medemas furmaziuns supplementaras sco per Creader / Creadra da vestgadira AFQ.
Cundiziuns da lavur
Cusunzas e cusunzs da vestgadira lavuran en lavuratoris cun maschinas da cuser e da stirar. L'aria en ils lavuratoris è chauda ed umida, quai che engrevgescha la lavur. Ellas ed els lavuran ensemen cun creaturas e creaturs da vestgadira.
Cusunzas e cusunzs da vestgadira èn engaschads en ateliers da vestgadira industrials. Ellas ed els chattan er plazzas da lavur en fatschentas da la branscha da moda. En Svizra tudestga è il martgà da lavur bun. En la Svizra franzosa datti percunter mo paucas interpresas da l'industria da vestgadira.
Ulteriuras infurmaziuns
Cuminanza d'interess IBBG
Furmaziun professiunala Creader / Creadra da vestgadira
4600 Olten
URL: www.ibbg.ch