Lavurs
Els exequeschan suandantas lavurs:
Planisar e realisar projects da cularia
- examinar las dumondas da la clientella e far offertas
- calcular ils custs ed il temp da producziun
- far in plan da lavur ed ina glista da material
- dar l'incumbensa per la producziun d'indrizs da model al construider da models ed al constructur da furmas
- sviluppar models e furmas da cular
Lavurar en il labor da test e controlla
- analisar differentas sorts da sablun, p.ex. sin la grondezza dal sablun, sin il cuntegn d'aua, sin la tempra e sin la fermezza
- analisar la consistenza da metals, tschaira e materia sintetica
- extrair metal luà sco atschal, fier u aluminium e controllar la constituziun dal liament
- controllar la tocca culada ad egl u cun tecnologia da computer sin sbagls
- mesirar la fermezza da la tocca producida enten suttametter quella a tschertas cundiziuns sco pressiun, temperatura u culps
- reutilisar tscherts materials sco sablun
Coordinar e manar la producziun
- manar la producziun dals models da cular
- reparter las lavurs singulas sin il team e fixar termins
- controllar models, qualitad da las furmas da cular e products finals
- programmar ils indrizs automatics
- prender part da la producziun
- endrizzar tscherts indrizs da cular
- survegliar l'occupaziun dals furns e las temperaturas da luada
- s'occupar dal nettegiament e mantegniment dals indrizs
Scolaziun
Durada
4 onns
Direcziuns
- construcziun da models da cularia
- furmas permanentas
- furmas perdidas
Furmaziun en la pratica
En ina cularia, cumplettà tras 2 praticums en mintgamai l'autra direcziun
Furmaziun en scola
1-2 dis per emna a la scola professiunala
Roms professiunals
- basa tecnica (matematica, informatica, tecnica d’emprender e da lavurar, fisica)
- englais tecnic
- tecnica da materials e da construcziun
- tecnica da dissegn e da maschinas
- electrotecnica e tecnica da regulaziun
- projects interdisciplinars
Curs ordaifer il manaschi
Emprender ed exercitar a moda pratica la basa professiunala, 24-26 dis durant 4 onns
Maturitad professiunala
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Diplom
Attestat federal da qualificaziun "tecnolog / tecnologa da culaditsch AFQ"
Premissas
Furmaziun preliminara
- temp da scola obligatoric terminà
Pretensiuns
- plaschair vi da la lavur artisanala
- imaginaziun spaziala
- enclegientscha tecnica resp. interess vi da connexs tecnics
- moda da lavurar exacta e conscienziusa
- forza corporala
- grond senn da responsabladad
- abilitad da lavurar en in team
- patratgar logic
Furmaziun supplementara
Curs
purschidas da l’Associaziun da cularia da Schweiz GVS e da scolas professiunalas
Examen professiunal (EP)
cun certificat professiunal federal: spezialist / spezialista da process, spezialist / spezialista da producziun
Examen professiunal superiur (EPS)
maister / maistra d’industria
Scola spezialisada superiura (SSS)
cun diplom SSS, p.ex. tecnicist / tecnicista construcziun da metal, tecnicist / tecnicista construcziun da metal, tecnicist / tecnicista process d’interpresas
Scola auta spezialisada (SAS)
p.ex. Bachelor of Science (SAS) en tecnica da maschinas
Tut tenor scola auta spezialisada valan differentas cundiziuns d'admissiun.
Diplom supplementar
DAS (CAS (Certificate of Advanced Studies) en tecnica da cularia a la scola auta per tecnica da la Fachhochschule Nordwestschweiz
A l'exteriur
z.B. en Germania, Bachelor of Engineering (B.Eng.) cun accent sin tecnica da cularia
Cundiziuns da lavur
Tecnologs e tecnologas da culaditsch lavuran en ils biros tecnics d'ina cularia u en hallas da furmas e cularia. La glieud da professiun fan part d'in team e lavuran ensemen cun inschigneras e furmaders da culaditschs. En manaschis pli gronds èsi pussaivel da lavurar en squadras.
Interessads han bunas schanzas sin ina plazza d’emprendissadi, sch’els èn flexibels pertutgant il lieu da lavur.
Ulteriuras infurmaziuns
Giesserei-Verband der Schweiz GVS
URL: www.giesserei-verband.ch
Feuer und Flamme für Guss
URL: www.giessereiberufe.ch