Zum Titel springen

Furmader / Furmadra da culaditschs AFQ

Furmaders e furmadras da culaditschs AFQ produceschan per exempel tocca culada per blocs da motors, viertgels da tumbins, maschinas da café, computers, giugadira artifiziala, stgalas mecanicas e bler auter or da liaments da metal. Per quai fabritgeschan els las furmas da cular e programmeschan ed utiliseschan ils implants da producziun.

Lavurs

Els exequeschan suandantas lavurs:

Furmas da culaditsch
  • definir il material da furmaziun sco sablun, cheramica, tschaira, materia sintetica, fier culà, atschal u grafit per la furma da culaditsch
  • duvrar ina chista da culaditsch existenta u crear ina tala
  • emplenir e cumprimer material da furmaziun
  • agiuntar supplements chemics per marventar la materia ed agiuntar elements da rinforzament
  • schliar il toc en elavuraziun cun quità da la furma
  • cumparegliar il toc en elavuraziun cun il model e megliurar sche necessari
  • metter ensemen singula tocca
  • elavurar la surfatscha da la furma da culaditsch
Cular e controllar tocca da culaditsch
  • definir la metoda da culaditsch adattada tenor il model sco per exempel culaditsch da sablun, da pressiun, da cochillen u d'art
  • programmar, manevrar e mantegnair ils indrizs da producziun
  • resguardar las perscripziuns davart la segirezza da lavur
  • cular il metal luà en furmas preparadas
  • schliar il toc sfradentà ord la furma ed allontanar malgulivezzas da la surfatscha
  • examinar la qualitad ad egl u cun tecnologia da computer
  • magasinar las furmas permanentas cun indrizs d'auzar
  • allontanar la furmas perdidas a maun u cun utensils correspundents

Scolaziun

Durada

3 onns

Direcziuns

  • furmas permanentas
  • furmas perdidas

Furmaziun en la pratica

En ina cularia, cumplettà cun 2 praticums en mintgamai l’autra direcziun ed en la construcziun da guaffen u en la cularia da construcziun da models

Furmaziun en scola

1 di per emna a la scola professiunala

Roms professiunals

  • tecnica da culaditsch: enconuscher ils process da producziun, garantir la segirezza da lavur, da la protecziun da la sanadad e da l'ambient
  • mecanica:  basa tecnica, tecnica da materials, tecnica da dissegn, tecnica da colliaziun, tecnica da fabricaziun e tecnica da maschinas

Curs ordaifer il manaschi

Emprender ed exercitar a moda pratica la basa professiunala ( 24 dis durant 3 onns)

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "furmader / furmadra da culaditschs AFQ"

Premissas

Furmaziun preliminara
  • temp da scola obligatoric terminà
Pretensiuns
  • plaschair vi da la lavur artisanala
  • imaginaziun spaziala
  • enclegientscha tecnica resp. interess vi da connexs tecnics
  • moda da lavurar exacta e conscienziusa
  • forza corporala
  • senn da responsabladad
  • abilitad da lavurar en in team

Furmaziun supplementara

Curs

purschidas da l’Associaziun da cularia da Schweiz GVS e da scolas professiunalas

Examen professiunal (EP)

spezialist / spezialista da process cun certificat professiunal federal, spezialist / spezialista da producziun

Examen professiunal superiur (EPS)

directura da producziun en l'industria dipl.

Scola spezialisada superiura (SSS)

cun diplom SSS, p.ex. tecnicist / tecnicista construcziun da metal, tecnicist / tecnicista construcziun da metal, tecnicist / tecnicista process d’interpresas

Scola auta spezialisada (SAS)

p.ex. Bachelor of Science (SAS) tecnica da maschinas
Tut tenor scola auta spezialisada valan differentas cundiziuns d'admissiun.

Diplom supplementar

CAS (Certificate of Advanced Studies) en tecnica da cularia a la scola auta per tecnica da la Fachhochschule Nordwestschweiz

A l'exteriur

z.B. en Germania, Bachelor of Engineering (B.Eng.) cun accent sin tecnica da cularia

Cundiziuns da lavur

Furmaders e furmadras da culaditschs lavuran en cularias, il pli savens en manaschis pitschens u mesauns. En manaschis gronds èsi pussaivel da lavurar en squadras. Per sa proteger cunter da las temperaturas autas ed il fieu, porta la glieud da professiun vestgadira da lavur speziala per tschertas lavurs. Interessads han bunas schanzas sin ina plazza d’emprendissadi, sch’els èn flexibels pertutgant il lieu da lavur.

Ulteriuras infurmaziuns

Giesserei-Verband der Schweiz GVS
URL: www.giesserei-verband.ch



berufsberatung.ch