Lavurs
Els exequeschan suandantas lavurs:
Organisaziun dals pass da lavur e preparaziun
- prender encunter giavischs da la clientella ed examinar sche l'incumbensa possia vegnir realisada
- examinar ils dissegns u ils giavischs e far in plan da lavur latiers
- preparar ils guaffens ed endrizzar las maschinas
- preparar ils tocs da las uras u da la bischutaria per la nobilisaziun, glimar davent las malgulivezzas ed eliminar las restanzas da la producziun, gulivar e nettegiar las surfatschas
Producir tocca
- producir a maun simpla tocca tenor ils dissegns tecnics cun maschinas micromechanicas
- fabritgar tocca cumplexa cun agida maschinas da CNC
- producir sez guaffens spezials cun agid da maschinas
- mesirar, unscher e nettegiar la tocca
Tractament da la surfatscha e decoraziun
- applitgar differents proceder, per obtegnair ina tscherta cumparsa da la tocca da las uras e da la bischutaria
- elavurar la tocca cun guaffens da diamants e dar ad els ins satinaziun smorta u als pulir (far traglischar)
Segirezza da qualitad
- controllar cun guaffens da mesirar schebain la tocca da las uras e da la bischutaria hajan la dretga grondezza e vesian ora uschè sco giavischà da la clientella
- nettegiar cun precauziun la tocca singula cun aua da savun, dissolvents ed alcohol
- mantegnair ils guaffens e las maschinas
- nettegiar il plaz da lavur, dismetter il rument adattà a l'ambient u al reciclar
- resguardar las mesirar da segirezza e da la protecziun da l'ambient al plaz da lavur
Scolaziun
Basa legala
Ordinaziun federala 19-01-2018
Durada
3 onns
Accents da scolaziun
Haute Horlogerie; CNC
Furmaziun en la pratica
En in atelier da polier u en in manaschi da l'industria d'uras e bischutaria
Furmaziun en scola
1 di l'emna a la scola professiunala
Roms professiunals
- organisaziun, preparaziun da la lavur, protecziun da l'ambient, sanadad e segirezza al lieu da lavur
- preparaziun da surfatschas e tecnicas da l'elavuraziun manuala
- realisaziun da l'elavuraziun da la surfatscha finala ed ornaments
- producziun d'utensils ed indrizs da francada
Curs ordaifer il manaschi
Davart differents temas
Maturitad professiunala
Fitg bunas prestaziuns da scola permettan da frequentar la scola da maturitad professiunala durant la furmaziun da basa.
Diplom
Attestat federal da qualificaziun "nobilisader / nobilisadra d'uras e bischutaria AFQ"
Premissas
Furmaziun preliminara
- temp da scola obligatoric terminà
Pretensiuns
- persuna inschignaivla e mauns ruassaivels per lavurar a moda exacta
- inschign manual
- pazienza e perseveranza
- abilitad da sa concentrar
- pensar logic
- enclegientscha tecnica
- buns egls (era vesida curregida)
- naginas allergias en contact cun metals
- sentiment per nettezza
- sentiment per bellezza
Furmaziun supplementara
Curs
purschidas da l'Associaziun svizra dals patruns da l'industria d'uras, da l'Associaziun svizra da las aurerias e las fatschentas spezialisadas d'uras VSGU, da scolas professiunalas e da scolas d'art spezialisadas
Examen professiunal (EP)
p.ex. spezialist / spezialista da process cun certificat professiunal federal
Examen professiunal superiur (EPS)
maister urer / maistra urera
Scola spezialisada superiura (SSS)
p.ex. tecnicist / tecnicista dipl. SSS construcziun da maschinas (approfundaziun en tecnica da producziun)
Scola auta spezialisada (SAS)
p.ex. Bachelor of Science (SAS) en microtecnica, Bachelor of Arts (SAS) en design da products e d'industria
Cundiziuns da lavur
Nobilisaders d'uras e bischutaria lavuran en manaschis da l'industria d'uras u da bischutaria.
Plazzas da lavur datti surtut en manaschis ch'èn sa spezialisads sin fabricaziun da chaschas d'uras. Quellas èn domiciliadas en l'industria d'uras en la regiun da l'artg dal Giura, tranter Genevra e Schaffusa.
Ulteriuras infurmaziuns
Associaziun svizra dals patruns da l'industria d'uras
Avenue Léopold-Robert 65
Chascha postala
2301 La Chaux-de-Fonds
Tel: +41 32 910 03 83
URL: www.cpih.ch