Lavurs
Els exequeschan suandantas lavurs:
Preparar la producziun dals tocs da bischutaria
- sviluppar ideas e concepts per bischutaria
- crear skizzas, maletgs u dissegns da tocca da bischutaria
- definir materials adattads per la producziun da la bischutaria
- planisar ils pass da lavur da la producziun da la bischutaria
- elavurar datas digitalas per la producziun da bischutaria sustegnida dal computer
Crear midar e reparar tocca da bischutaria
- producir en lavur manuala bischutaria cun tecnicas da producziun adattadas
- elavurar tocs da bischutaria tar novs tocs u als reparar
- elavurar la surfatscha da la bischutaria
- controllar e segnar ils tocs da bischutaria
Cussegliar clientella
- cussegliar la clientella davart la bischutaria
- calcular ils cust per la producziun, l'elavuraziun e la reparatura
- sclerir schebain ina reparatura è pussaivla ed ils ristgs d'ina tala
- preschentar bischutaria e concepts
- exequir lavurs administrativas simplas en connex cun las dumondas da la clientella e servetschs
Scolaziun
Basa legala
Ordinaziun federala 9-7-2021
Durada
4 onns
Furmaziun en la pratica
En in atelier
Furmaziun en scola
1 di per emna a la scola professiunala
Roms professiunals
- cussegliar la clientella e porscher servetschs
- crear bischutaria cun pedras preziusas e products parentads
- planisar e preparar la producziun, reparatura e l'elavuraziun da bischutaria cun pedras preziusas e products parentads
- producir, reparar ed elavurar bischutaria e products d'aurer parentads
Curs ordaifer il manaschi
Emprender ed exercitar a moda pratica la basa professiunala
Maturitad professiunala
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Diplom
Attestat federal da qualificaziun "aurer / aurera AFQ"
Premissas
Furmaziun preliminara
- temp da scola obligatoric terminà
- ils VSGU-ASHB cusseglia da visitar in'examinaziun da la qualificaziun
Pretensiuns
- inschign manual
- motorica fina
- enclegientscha tecnica
- flair creativ
- imaginaziun tridimensiunala
- senn per bellezza
- pazienza, premura e perseveranza
- buna vesida (era curregida)
- creativitad
Furmaziun supplementara
Curs
purschidas da scolas d’art applitgà e da scolas professiunalas sco era dal Verband Schweizer Goldschmiede und Uhrenfachgeschäfte VSGU
Scola spezialisada superiura (SSS)
p.ex.: creadra dipl. SSS design da products
Scola auta spezialisada (SAS)
studis en roms parentads, p.ex. Bachelor of Arts (SAS) en design da products e d’industria. Tut tenor scola auta professiunala valan autras cundiziuns d'admissiun
Cundiziuns da lavur
La lavur d’aurer pretenda fitg bler pazienza ed in’auta concentraziun. Aurers ston savair seser u star uras a la lunga davos maisa, pudair ir enturn cun utensils da precisiun ed adina lavurar da moda e maniera exacta.
La fundaziun d’in agen manaschi suenter la terminaziun da la furmaziun da basa dumonda in grond engaschament persunal, in talent d’organisaziun, l’inschign en il contact cun la clientella sco era in senn commerzial.
Ulteriuras infurmaziuns
Verband Schweizer Goldschmiede und Uhrenfachgeschäfte VSGU
Bahnhofstrasse 7b
6210 Sursee
Tel: +41 41 926 07 92
URL: www.vsgu-ashb.ch