Lavurs
Els exequeschan suandantas lavurs:
Montascha ed installaziun da cabels
- leger plans da construcziun d'apparats e da cirquits electrics
- tscherner cabels adattads per colliar ils elements
- colliar elements cun installaziuns da cabels ed als plazzar en la chascha
- construir tavlas da distribuziun electrica
- observar las normas legalas en la lavur
- metter en funcziun apparats
- controllar cun apparats da mesiraziun, ch'ils apparats funcziunian
- installar elements da regulaziun ed apparats en cirquits electrics sco er mesirar la tensiun
- eliminar disturbis
- controllar tut las funcziuns dals apparats
- scriver rapports davart la messa en funcziun d'apparats
Reparatura e mantegniment
- controllar apparats e cabels da colliaziun
- cumadar u substituir elements defects
- cumadar u remplazzar elements ed installaziuns da cabels ruts
- controllar ils elements cumadads
- far in rapport da controlla
- mantegnair e cumadar material e maschinas en il lavuratori u tar la clien-tella
- prender dapart apparats ed indrizs, als mantegnair ed als recumponer
- controllar las cundiziuns da funcziun dals apparats
Scolaziun
Durada
3 onns
Furmaziun en la pratica
En in manaschi da l’industria da maschinas, d'electro e da metal (industria MEM)
Furmaziun en scola
1 di per emna a la scola professiunala spezialisada
Roms professiunals
- elavurar manualmain e controllar tocca en elavuraziun
- montar e colliar cun cabels apparats ed elements
- mesirar e controllar regulaziuns ed elements
Curs ordaifer il manaschi
Emprender la lavur pratica, approfundar ed exercitar las basas professiunalas, 28 fin 44 dis durant 3 onns.
Maturitad professiunala
Sche las prestaziuns da scola èn fitg bunas, pon ins frequentar la scola da maturitad professiunala durant la furmaziun da basa.
Diplom
Montader / Montadra d’automatica AFQ
Premissas
Furmaziun preliminara
- terminà la scola obligatorica cun pretensiuns mediocras u autas
Pretensiuns
- enclegientscha tecnica ed inte-ress vi da relaziuns tecnicas
- bun’imaginaziun spaziala
- inschign manual
- fin sentiment e mauns inschignaivels per ina lavur exacta
- pazienza e perseveranza
- nagins disturbis da la vesida da colurs
- abilitad da lavurar en ina gruppa
- fidadadad
Furmaziun supplementara
Curs
Purschidas da scolas professiunalas spezialisadas e da scolas spezialisadas superiuras sco er da federaziuns professiunalas sco Swissmechanic, Swissmem ed USAT Uniun svizra Automatisaziun e tavlas electricas.
Emprendissadi supplementar
Montadras e montaders d'automatica pon per regla far in emprendissadi scursanì sco automaticra u automaticher AFQ.
Examen professiunal (EP)
Cun certificat professiunal federal: per exempel spezialista u spezialist d'automatica, manadra u manader da project e scheffa u schef d'in lavuratori en la fabricaziun da tavlas electricas ubain spezialista u spezialist da producziun.
Examen professiunal superiur (EPS)
Per exempel experta u expert da tavlas electricas e d'automatica cun diplom federal ubain manadra u manader da producziun industriala dipl.
Scola spezialisada superiura (SSS)
Studis en roms parentads, per exempel: tecnicista u tecnicist da sistem dipl. SSS, electrotecnicista u electrotecnicist dipl. SSS, tecnicista u tecnicist da construcziun da maschinas dipl. SSS, informaticra u informaticher dipl. SSS
Scola auta spezialisada (SAS)
Studis en roms parentads, p.ex. bachelor of science en electrotecnica, en tecnica da maschinas ubain en mecatronica ed en tecnica da sistems. Tut tenor la scola auta spezialisada valan differentas cundiziuns d'admissiun.
Cundiziuns da lavur
Montadras e montaders d'automatica lavuran en pitschens teams en hallas da montascha u en lieus da producziun d'interpresas industrialas. Els sa spezialiseschan per ina lavur, ston dentant s'adattar als svilups tecnics. Els lavuran cunzunt ensemen cun automaticras, electronists, informaticras e polimecanists.
Montadras e montaders d'automatica chattan lavur en manaschis industrials automatisads, en la montascha d'indrizs electrics u en il mantegniment ed en la reparatura d'apparats. Els pon surpigliar funcziuns directivas en interpresas, sco per exempel manadra u manader da team, manadra u manader d'in lavuratori ubain manadra u manader da montaschas.
Ulteriuras infurmaziuns
Swissmechanic
Dachorganisation
Felsenstr. 6
8570 Weinfelden
Tel: 071 626 28 00
URL: www.swissmechanic.ch
Swissmem Berufsbildung
Brühlbergstr. 4
8400 Winterthur
Tel: 052 260 55 00
URL: www.swissmem-berufsbildung.ch
URL: tecindustry.ch
VSAS Verband Schaltanlagen und Automatik Schweiz
Werkhofstr. 9
2503 Biel
Tel: 032 322 85 78
URL: www.vsas.ch