Lavurs
Lur lavurs èn las suandantas:
Svilup e producziun
- analisar las pretensiuns da la clientella
- lavurar ensemen cun il team dal biro tecnic vi dal svilup d'in project
- analisar la producziun d'in indriz e decider, tge pass da lavur che pon vegnir automatisads
- lavurar cun ina software u sviluppar ina tala
-
proponer soluziuns per l'automatisaziun e testar tala en il labor u al lieu
planisar e survegliar la producziun - elavurar ils documents tecnics per il manaschi ed il mantegniment da l'indriz
Montascha e metter en funcziun
- installar a maun d'in plan sistems regulativs ed automatisads
- colliar filfiers ed uders tenor prescripziun
- manar tras tests da funcziunament severs, p.ex. areguard sveltezza, temperatura ed interrupziun d'urgenza
- observar las prescripziuns da segirezza, giustar correctamain l'indriz ed al testar sut differentas cundiziuns d'utilisaziun
-
schliar problems u consultar persunas spezialisadas
-
metter en funcziun indrizs e colliar differents apparats cun il modul
da cumond - scolar las utilisadras ed ils utilisaders
Mantegniment ed eliminaziun da sbagls
- chattar ed eliminar ils motivs per disturbis en il lavuratori u al lieu tar la clientella
- prender dapart indrizs, als reparar e puspè metter ensemen
Scolaziun
Durada
4 onns
Furmaziun pratica professiunala
En in manaschi da l’industria da maschinas, da metal e da l’electroindustria (industria MEM)
Furmaziun da scola
1 enfin 2 dis per emna a la scola professiunala
Roms professiunals
- Basas tecnicas (matematica, informatica, tecnicas d’emprender e da lavurar, fisica)
- englais tecnic
- tecnica da materials e tecnica da dissegn
- electrotecnica ed electronica
- automaziun
- projects interdisciplinars
Curs ordaifer il manaschi
Emprender la lavur pratica, approfundar ed exercitar las basas professiunalas, 48 dis durant 4 onns.
Maturitad professiunala
Tgi che ha fitg bunas prestaziuns da scola, po frequentar la scola da maturitad professiunala durant l'emprendissadi.
Diplom
Attestat federal da qualificaziun "automaticher / automaticra AFQ"
Premissas
Furmaziun preliminara
- terminà la scola obligatorica
- bunas prestaziuns en matematica e fisica
Pretensiuns
- enclegientscha tecnica
- interess vi da novas tecnologias, electrotecnica e relaziuns tecnicas
- enclegientscha per relaziuns abstractas
- bun’imaginaziun spaziala
- mauns inschignaivels per ina lavur exacta
- plaschair da lavurar a moda exacta e conscienziusa
- pazienza, perseveranza ed abilitad da sa concentrar
- abilitad da lavurar en in team
- autonomia
- fidadadad
Furmaziun supplementara
Curs
purschidas da scolas spezialisadas e professiunalas sco era d’associaziuns professiunalas sco Swissmechanic, Swissmem Kaderschule e VSAS Verband Schaltanlagen und Automatik Schweiz
Examen professiunal (EP)
cun certificat professiunal federal: p.ex. spezialista u spezialist d’automatica, manadra u manader da project e dal lavuratori en la fabricaziun da tavlas electricas, spezialista u spezialist da fabricaziun
Examen professiunal superiur (EPS)
maistra u maister indrizs da distribuziun ed automatica, maistra u maister industria
Scola spezialisada superiura (SSS)
P.ex. tecnicista u tecnicist da sistem dipl. SSS, eletrotecnicista u electrotecnicist dipl. SSS u tecnicista u tecnicist da construcziun da maschinas dipl. SSS
Scola auta spezialisada (SAS)
Studis en secturs spezials parentads, p.ex. bachelor of science en tecnica da maschinas, en electrotecnica u en mecatronica. Tut tenor la scola auta spezialisada valan differentas cundiziuns d'admissiun.
Cundiziuns da lavur
Automaticras u automatichers lavuran en interpresas che applitgeschan proceduras da producziun u da fabricaziun automatisadas. Lur lieu d'activitad è ubain en il lavuratori ubain tar la clientella per metter en funcziun u mantegnair indrizs da regulaziun. Principalmain lavuran ellas ed els ensemen cun inschigneras ed inschigners, electronistas ed electronists, informaticras ed informatichers, polimecanistas e polimecanists sco er cun montadras e montaders d'automatisaziuns.
Las automaticras ed ils automatichers èn fitg dumandads. Ellas ed els chattan lavur en l'industria da maschinas, electrica e da metal (industria MEM), en l'industria da chemia, da victualias u d'emballadis, en il provediment d'energia, en ovras electricas, en l'automatisaziun d'edifizis, en il sectur da transport ubain en instituziuns publicas, p.ex. en ospitals.
Ulteriuras infurmaziuns
Swissmem Berufsbildung
Brühlbergstr. 4
8400 Winterthur
Tel: 052 260 55 00
URL: www.swissmem-berufsbildung.ch
URL: tecindustry.ch
Swissmechanic Dachorganisation
Felsenstr. 6
8570 Weinfelden
Tel: 071 626 28 00
URL: www.swissmechanic.ch
VSAS Verband Schaltanlagen und Automatik Schweiz
Werkhofstr. 9
2503 Biel
Tel: 032 322 85 78
URL: www.vsas.ch