Lavurs
Tapezadras-decoraturas e tapezaders-decoraturs decoreschan interiurs d’edifizis sco chasa d’abitar, hotels, restaurant u bancas. Els monteschan sistems da sumbrivals, restaureschan mobiglias, mettan palantschieus textils, monteschan lampas e surpiglian autras lavurs decorativas. Uschè embelleschan els stanzas e dattan a quellas ina tempra persunala. Ultra a quai tgiran els il contact cun la clientella e surpiglian lavurs administrativas.
Els exequeschan suandantas lavurs:
Planisar lavurs
- examinar dumondas, prender mesira e cussegliar la clientella
- calcular ils custs dal temp da lavur e la quantitad dal material che vegn duvrads per far offertas
- elavurar skizzas e muster da tagl per textilias e tarpuns
- planisar l’elavuraziun da l’incumbensa en il lavuratori u directamain tar il client
Pulstrar las mobiglias e las metter en chomma
- allontanar las pulstradas da las pultruna, dals canapés u las sutgas, preparar il stgaffal, montar il sistem da plimas
- pulstrar las mobiglias cun chavels chaval u materials sintetics per obtegnair la furma giavischada ed in aut confort da seser
- tagliar las tailas tenor ils musters, las adattar e cuser
- far las surtratgas ed ils plimatschs, reparar las pulstradas, dar si nova colla als stgaffals u remplazzar tocca da taila
- furnir mobiglias a la clientella e la montar e metter las mobiglias en chomma al lieu
- montar lampas e spievels che van a prà
Montar sumbrivals
- montar sumbrivals decorativs u sistems da sumbrivals dirigids tecnicamain
- montar stangas e bastuns vid la paraid u il palantschieu sura
- pender ils sumbrivals vid las glischneras, montar il cundrez per avrir e serrar ils sumbrivals u installar sistems dirigids a moda tecnica
- montar decoraziuns
Cuvrir palantschieus e surfatschas
- allontanar a maun u cun maschinas cuvridas veglias, gulivar e smerigliar
- tagliar, adattar e metter tarpuns sco er struvegiar e tatgar glistas sin l’autezza dals pes
- cuvrir surfatschas sco paraids, ischs e palantschieus cun differentas textilas, tagliar, adattar e montar tapetas
- Equipar paraids interiuras e palantschieus cun isolaziun termica u sonora u isolaziun cunter l’umiditad ed isolar stgarps
Ulteriuras lavurs
- Scriver rapports e documentar incumbensas finidas
- Dismetter il rument adattà a l’ambient
- Mantegnair maschinas e guaffens
Scolaziun
Durada
4 onns
Furmaziun en la pratica
En ina interpresa per decoraziun d’interiurs u ina interpresa da tapezaders-decoraturs
Furmaziun en scola
In di l'emna a la scola professiunala
Roms professiunals
- Pulstrar
- Installar sumbrivals u sistems da sumbrivals
- Metter palantschieus textils
- Surtrair u cuvrir surfatschas cun differents materials
- Montar mobiglias u objects
- Communitgar e documentar
- Segirezza da lavur, protecziun da la sanadad e da l'ambient
Curs ordaifer il manaschi
emprender ed exercitar a moda pratica las basas professiunalas. 25 dis durant 4 onns
Maturitad professiunala
Fitg bunas prestaziuns da scola permettan da frequentar la scola da maturitad professiunala durant la furmaziun da basa.
Diplom
Attestat federal da qualificaziun "tapezader-decoratur / tapezadra-decoratura AFQ"
Premissas
Furmaziun preliminara
- temp da scola obligatoric terminà
Pretensiuns
- inschign manual
- chapientscha tecnica
- imaginaziun dal spazi
- senn per l'estetica
- chapientscha per materials decorativs, cun stil e da gronda valur
- moda da lavurar exacta
- lavurar independentamain e surprender atgna responsabladad
- abilitad da lavurar en in team
Furmaziun supplementara
Curs
purschidas da scolas spezialisadas e professiunalas, da l’Associaziun interieursuisse sco era da manaschis da furniziun
Examen professiunal (EP)
cun attestat da qualificaziun federal:
- Decoratur / decoratura d'interiurs
- Planisader / planisadra d'indrizs interns
- Creader / creadra da textilias interiuras
- Colurist / colurista
- Concepider artisan / concepidra artisana
Examen professiunal superiur (EPS)
decoratur d’interiurs diplomà / decoratura d’interiurs diplomada
Scola spezialisada superiura (SSS)
studis en champs parentads, p.ex. tecnicist / tecnicista dipl. SSS textil, concepider / concepidra dipl. en design da products SSS u concepider / concepidra dipl. en design da communicaziun visuala SSS
Scola auta spezialisada (SAS)
studis en champs parentads, p.ex. Bachelor of ARTS (SAS) en design da products e design industrial. Tut tenor scola auta professiunala valan differentas cundiziuns d’admissiun.
Cundiziuns da lavur
Tapezaders-decoraturs e tapezadras-decoraturas exequeschan lur mastergn oravant tut en manaschis pitschens e mesauns. Els han contact cun la clientella ed ils furniturs e lavuran ensemen cun architects e mastergnants. Lur temp da lavur è regulars, i po dentant dar fasas intensivas per ch’ils termins possian vegnir resguardads. Las persunas da professiun lavuran dad ina vart en il lavuratori, da l’autra vart er directamain en las localitads da d’abitar u da lavurar da la clientella.
Cun experientscha da lavur creschenta pon els surpigliar posiziuns cun responsabladad e manar p.ex. ina lavuratori u in team. Cun ina furmaziun supplementara da commerzi pon els er sa far independents: persuls u ensemen cun auters spezialist, sco scrinaris u tschentapalantschieus. Tschertas persunas da professiun sa spezialiseschan sin la restauraziun dad edifizis istorics u objects. Mo paucs manaschis furman emprendists.
Ulteriuras infurmaziuns
ODA Raumausstattung Schweiz
2545 Selzach
Tel: +41 32 641 66 10
URL: www.raumausstattung-schweiz.ch