Lavurs
Purs e puras mainan bains purils e tgiran il terren, tegnan biestga e plantan e racoltan graun, legums e fritgs. Ils products agriculs èn destinads per magliar directamain u per elavurar els vinavant e vender els. La glieud da professiun s’occupan dals animals, protegian l’ambient e tgiran la cuntrada. Lur lavur sa drizza tenor ils ritmus da las stagiuns. Intginas persunas da professiun sa decidan per l’agricultura biologica.
Els exequeschan suandantas lavurs:
Cultivaziun da plantas
- definir il diever dal terren e planisar la successiun dals fritgs
- preparar, volver, arar il terren ed mantegnair uschè la fritgaivladad
- manar vehichels agriculs
- far diever da las maschinas e dals apparats resguardond las prescripziuns da segirezza
- semnar e plantar graun e verduras sco tartuffels, ravun e ravas
- engraschar il terren a moda adattada a l’ambient
- cumbatter malsognas e parasits cun agid da meds da protecziun da las plantas lubidas
- racoltar, magasinar u spedir ils retgavs
- pachetar ils products per la vendita directa e fixar ils pretschs
- tgirar las prads e la pastgira
- segar plantas da pavlar e las conservar sco pavel da muvel
- emplantar surfatschas da cumpensaziun ecologica sco prads, saivs vivas u girauns cun flurs per promover la
Tegnida d’animals
- tegnair animals da niz sco vatgas da latg, biestga e pors d’engrasch u tegnair ed allevar chavals
- tgirar, pavlar, bavrar, mulscher e tegnair schuber ils animals
- calcular las raziuns dal pavel, reparter il pavel correctamain ed administrar las reservas
- observar il cumportament dal muvel e mirar per ses bainstar
-
tegnair e tractar ils animals tenor las perscripziuns da la protecziun d’animals
-
eleger animals adattads per la tratga, per megliurar il raz
- survegliar la sanadad dals animals e prevegnir a malsognas d’animals cun virolas u autras mesiras
Mantegniment d’apparats e d’edifizis
- tgirar apparats, maschinas e vehichel sco p.ex. tractors
- mantegnair e renovar ils edifizis
- sa participar a projects da construcziun e renovaziun
- direcziun dal manaschi
- elavurar plans da producziun, manar la contabilitad
- tschiffar datas dal effectiv da muvel ed inoltrar als uffizis correspundents
- analisar las entradas e controllar ils custs da producziun
- exequir lavurs administrativas
- engaschar persunal ed organisar e surpigliar la lavur da tal
Scolaziun
Durada
3 onns
Furmaziun en la pratica
En manaschis purils
Furmaziun en scola
- 1. + 2. onn: 1 di per emna a la scola professiunala
- 3. onn: curs da bloc tar ina scola d’agricultura
Roms professiunals
- cultivaziun da plantas (cultivar terren; semnar e plantar)
- cultivaziun d’animals (tegnair, tgirar e trair animals da niz)
- mecanisaziun ed indrizs tecnics
- ambient da lavur
La furmaziun da basa po era vegnir absolvida cun l’accent principal sin l’agricultura biologica.
Curs ordaifer il manaschi
8 dis en ils emprims dus onns d’emprendissadi
segirtad da lavur e protecziun da la sanadad, igiena e garanzia da la qualitad, depositar e reparar maschinas ed apparaturas, diever da vehichels cun indrizs d’auzar e diever d’utensils per proteger las plantas, transport d’animals
Maturitad professiunala
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Diplom
"Pur / Pura AFQ"
Premissas
Furmaziun preliminara
- scola populara terminada
Pretensiuns
- cun in attest federal professiunal (AFP), cun in attest federal da qualificaziun (AFQ) en in auter mastergn u cun il diplom da maturitad cuzza la scolaziun per daventar pur AFQ per regla 2 onns
- cun in attest federal da qualificaziun (AFQ) en in auter mastergn agricul cuzza la scolaziun per daventar pur AFQ sa per regla 1 onn
Premissas
- interess vi da la natira e vi da plantas
- plaschair da lavurar cun animals
- enclegientscha per ils connexs en la natira
- patratgar iniziativ
- inschign pratic-manual
- enclegientscha tecnica, bun dun d’ir enturn cun maschinas
- prontadad d’exequir lavurs malnettas e da lavurar la fin d’emna
- buna sanadad
Furmaziun supplementara
Curs
purschidas da centers agriculs da furmaziun e da cussegliaziun
Furmaziun da basa scursanida
Suenter avair terminà la furmaziun da basa po vegnir absolvì ina furmaziun da basa scursanida dad 1 onn en ina autra professiun agricula.
Examen professiunal (EP)
- mainagestiun d’agricultura
- mainagestiun da cultivaziun da legums
- mainagestiun da pumicultura u da cultivaziun
- mainagestiun da giaglinom
- spezialista per l’agricultura biodinamica
Examen professiunal superiur (EPS)
maister pur dipl., maistra per manaschis da giaglinom dipl., maister ortulan da legums dipl., maistra pumicultura dipl.
Scola spezialisada superiura (SSS)
p.ex. agrotecnicher dipl. SSS, commerzianta agricula dipl. SSS
Scola auta spezialisada (SAS)
Bachelor of Science (SAS) en agronomia Bachelor of Science (SAS) en inschigneria da l’ambient Bachelor of Science (SAS) en tecnologia da victualias
Cundiziuns da lavur
Purs e puras cultiveschan lur agen bain puril u al prendan a fit. La cultivaziun da plantas è mecanisada fermamain e dependenta da l’aura. La tgira dad animals pretenda ch’ins sia preschents mintga di. Il temp da lavur è vasts e las incumbensas multifaras.
La gronda part dals purs e da las puras lavuran independentamain en lur manaschi da famiglia. I dat plazzas èn manaschis esters, dentant mo paucas. Il sbassament dals pretschs maina ad ina restructuraziun dal sectur agrar ed effectuescha ch’i dat adina pli paucs manaschis.
Intginas persunas da professiun cumpletteschan lur entradas cun gudogns accessorics sco cun la vendita da products dal bain puril, agroturissem u lavurs pajadas ordaifer il manaschi agricul. Savens sa decidan purs giuvens e puras giuvnas d’emprender in segund emprendissadi, p.ex. en il sectur da la mecanica, da la construcziun u dal da l’economia forestala per augmentar lur entradas finanzialas.
Ulteriuras infurmaziuns
OdA AgriAliForm
5201 Brugg AG
Tel: +41 56 462 54 30
URL: www.agri-job.ch