Zum Titel springen

Viticultur / Viticultura AFQ

Viticulturs e viticulturas fan vin. Els tgiran las vignas e guardan per ina vegetaziun sauna da las vits. Lura racoltan els las ivas e las elavuran tar vin e suc.

Lavurs

Els exequeschan suandantas lavurs:

Tgirar la vignas ed il terren
  • tagliar las vits per ch'ellas creschian optimalmain
  • liar las vits
  • dar aua ed engraschar las culturas
  • tgirar il terren, p.ex. tras inverdiment u cuvridas cun material organic sco scorsa e strom
  • cumbatter parasits uschè effizient sco pussaivel e favuraivel a l’ambient
  • allontanar chatschs e feglia ch’èn da memia
  • controllar las plantas sin bulieus e parasits
Racoltar ivas
  • determinar il temp da racolta (il pli durant il settember enfin il november)
  • racoltar las ivas, per il solit cun gidanters e gidantras
  • assortir la ivas marschas
Producir vin
  • smatgar e struclar las ivas tar suc
  • emplenir il suc per la fermentaziun en tancs
  • survegliar la temperatura e la durada da la procedura da la fermentaziun
  • emplenir il vin ed al magasinar correctamain
  • s'infurmar dals trends actuals e savair tge vins ch'èn tschertgads
  • commerzialisar ils vins

Scolaziun

Basa legala

Ordinaziun federala dals 8-5-2008 (versiun dal 1-3-2017)

Durada

3 onns

Furmaziun en la pratica

En almain dus manaschis d’emprendissadi

Furmaziun en scola

Curs da bloc da pliras emnas al Strickhof, Au ZH

Roms professiunals

  • cultivaziun da plantas (cultivar terren; plantar, nutrir e tgirar culturas da vits; racoltar e nobilisar ivas; vender products)
  • mecanisaziun ed implants tecnics (drizzar e mantegnair maschinas ed apparats; nizzegiar e mantegnair edifizis ed indrizs)
  • conturn da lavur
  • champ da tscherna

La furmaziun da basa po er vegnir absolvida cun l’accent agricultura biologica.

Curs ordaifer il manaschi

segirezza da la lavur e protecziun da la sanadad, igiena e garanzia da la qualitad, diever da vehichels idraulics e d’apparats per la protecziun da las plantas, tecnologia da vins

Maturitad professiunala

Cunquai che la furmaziun en scola ha lieu en curs da bloc vegn la scola da maturitad professiunala visitada la plipart suenter la furmaziun da basa.

Diplom

Attestat federal da qualificaziun "viticultur / viticultura AFQ"

Premissas

Furmaziun preliminara
  • temp da scola obligatoric terminà
  • cun in attestat federal da qualificaziun (AFQ) dad in’autra professiun agricula po la scolaziun sco viticultur / viticultura sa scursanir sin 1 onn
  • cun in attest professiunal agricul (AFP), cun in attestat federal da qualificaziun (AFQ) dad in’autra professiun u cun ina maturitad sa scursanescha la scolaziun sco viticultur / viticultura per regla sin 2 onns
Pretensiuns
  • plaschair vi da la lavur en il liber
  • bun dun d’observaziun per process en la natira
  • inschign manual
  • chapientscha tecnica per maschinas ed apparats
  • sanadad robusta per lavurs da tutt’aura
  • forza corporala
  • bun gust e bun nas (per degustar)

Furmaziun supplementara

Curs

purschidas dal Strickhof, Au ZH, dal Institut für Umwelt und Natürliche Ressourcen IUNR (ZHAW), Wädenswil e da l’École d'Ingénieurs de Changins (HES-SO)

Furmaziun supplementara

suenter la furmaziun da basa po vegnir absolvida ina furmaziun da basa scursanida dad 1 onn en in’autra professiun agricula

Examen professiunal (EP)

manader / manadra da gestiun viticultura u tecnologia da vin cun certificat professiunal federal u in auter examen professiunal en il champ professiunal

Examen professiunal superiur (EPS)

maister viticultur / maistra viticultura, maister tschalerer / maistra tschalerera u in auter examen professiunal superiur en il champ professiunal agricultura

Scola spezialisada superiura (SSS)

agro-tecnicist / agro-tecnicista dipl. SSS, agro-commerziant / agro-commerzianta dipl. SSS, tecnicist viticultur / tecnicista viticultura dipl. SSS

Scola auta spezialisada (SAS)

Bachelor of Science (SAS) en enologia, Bachelor of Science (SAS) en agronomia (p. ex. approfundaziun scienzas da plantas), Bachelor of Science (SAS) en inschigneria da l’ambient (p. ex. agricultura biologica ed orticultura)

Cundiziuns da lavur

Viticulturas e viticulturs lavuran tar in manaschi da viticultura privat u cooperativ u mainan in agen manaschi. Blers viticulturs lavuran er a l’exteriur. Els lavuran bler en il liber. Lur dis da lavur dependan da l’aura e da la stagiun e pon esser durant la stad e l’atun fitg lungs. Durant il temp da fulla vegn er lavurà la fin d’emna.

Tar las plazzas d’emprendissadi è la purschida per il mument pulit equilibrada, ins sto dentant esser pront da tschertgar en differentas regiuns.

Ulteriuras infurmaziuns

OdA AgriAliForm
Laurstr. 10
5201 Brugg AG
Tel: +41 56 462 54 40
URL: www.agri-job.ch

Branchenverband Deutschschweizer Wein
Schloss 1
8820 Wädenswil
Tel: +41 58 460 61 01
URL: swisswine.ch

Strickhof
Lebensmitteltechnologie und Hortikultur
Seestrasse 295
8804 Au ZH
Tel: +41 58 105 94 00
URL: www.strickhof.ch



berufsberatung.ch