Lavurs
Lur lavurs èn las suandantas:
Preparar e planisar incumbensas
- leger e chapir las incumbensas
- far calculaziuns, p.ex. dal volumen dals stabiliments per allontanar aua
- far plans e skizzas, p.ex. davart conducts da bischens
- planisar ils andaments da lavur ensemen cun ils incumbensaders, p.ex. cun vischnancas, interpresas u persunas privatas
- preparar il material ed ils vehichels
- scriver rapports d'in di e d'ina emna
Nettegiar, svidar e mantegnair ils stabiliments
- nettegiar ovras da construcziun e deflussiuns d'aua, p.ex. cun lantschas, squittas u uders
- pumpar giu e dismetter correctamain restanzas, p.ex. da meds da nettegiament, aua persa u aua smerdada
- tegnair en urden ils stabiliments da deflussiun d'aua
Controllar e reparar stabiliments
- analisar stabiliments da deflussiun d'aua cun urdains adattads u cun roboters, p.ex. cun cameras teleguidadas
- enconuscher singularitads e parts ruttas, p.ex. irregularitads en la deflussiun da l'aua
- scriver rapports da controlla per evaluar ils resultats
- reparar e sanar stabiliments da la deflussiun d'aua, p.ex. fresar u spategliar ils stabiliments
- proponer las sanaziuns necessarias
Garantir la segirezza a la lavur e la protecziun da l'ambient
- controllar e mantegnair vehichels ed apparats
- stimar las ristgas da las incumbensas da lavur, p.ex. privel d'inundaziuns u perdita da material privlus
- prender mesiras a favur da la protecziun da la sanadad, p.ex. evitar blessuras u infecziuns
- proteger l'ambient e las auas e dismetter correctamain substanzas privlusas
Scolaziun
Durada
3 onns
Accents
- mantegniment da stabiliments per allontanar aua
- controlla da stabiliments per allontanar aua
- sanaziun da stabiliments per allontanar aua
Furmaziun en la pratica
en in manaschi dal mantegniment da chanals, da l'inspecziun da chanals u da la sanaziun da chanals
Furmaziun en scola
1 di per emna en la scola professiunala spezialisada Gewerblich-industrielles Bildungszentrum Zug GIBZ, Zug
Cuntegn
- planisar, preparar e rapportar las lavurs
- nettegiar stabiliments per allontanar aua
- mantegniment da stabiliments per allontanar aua
- controlla da stabiliments per allontanar aua
- sanar stabiliments per allontanar aua
- garantir il mantegniment, la segirezza e la protecziun da l'ambient
Curs ordaifer il manaschi
emprender, approfundar ed exercitar las basas professiunalas, 12 dis durant 3 onns
Maturitad professiunala
Sche las prestaziuns da scola èn fitg bunas, pon las emprendistas ed ils emprendists frequentar la scola da maturitad professiunala durant l'emprendissadi.
Diplom
Tecnolog / Tecnologa da drenascha AFQ
Premissas
Furmaziun preliminara
- terminà la scola obligatorica
Pretensiuns
- chapientscha tecnica
- punctualitad e fidadadad
- abilitad da lavurar en in team
- resistenza a la temperatura ed a l'aura
- senn da responsabladad ed agir ecologic
- buna constituziun fisica
- savair supportar odurs dischagreablas
Furmaziun supplementara
Curs
purschidas da scolas spezialisadas e da scolas professiunalas spezialisadas sco er da l'Associaziun per la furmaziun da la branscha da mantegniment da las chanalisaziuns (advk), advk.ch
Examen professiunal (EP)
p.ex. Spezialist / Spezialista da serenera cun attestat professiunal federal
Scola spezialisada superiura (SSS)
furmaziuns en secturs spezials parentads, p.ex.: Tecnicist / Tecnicista d'orticultura dipl. SSS u Manader / Manadra da construcziun en lain dipl. SSS
Scola auta spezialisada (SAS)
studis en secturs parentads, p.ex. bachelor of science en inschigneria da construcziun u en tecnica d'edifizis. Tut tenor la scola auta spezialisada valan differentas cundiziuns d'admissiun.
Cundiziuns da lavur
Tecnologas u tecnologs da drenascha lavuran tar persunas privatas u per infrastructuras publicas. Ellas ed els lavuran tant endadens sco er en il liber. En cas d'incumbensas en territoris stretgs u sut terra pon ellas ed els esser exposts a materias privlusas. Ellas ed els lavuran savens en pitschens teams ed ensemen cun la clientella u cun ils incumbensaders. Savens èn ellas ed els en viadi, fan servetsch da pichet e lavuran er durant las fins d'emna.
Tecnologas e tecnologs da drenascha lavuran en manaschis pitschens e mesauns che nettegian u saneschan conducts da bischens. Ellas ed els chattan er plazzas tar uffizis communals da construcziun da vias u en sereneras.
Ulteriuras infurmaziuns
Associaziun per la furmaziun da la branscha da mantegniment da las chanalisaziuns (advk)
3000 Berna 22
URL: www.advk.ch