Lavurs
Els exequeschan suandantas lavurs:
Planisaziun e direcziun da project
- sclerir ils giavischs da la clientella, discurrer cun il manader da project davart las lavurs e las controllar permanentamain
- elavurar in carnet da duairs e nudar lien las pretensiuns tecnicas, la segirezza d' IT e la protecziun da datas e las controllar
- planisar sez simpels projects da ECM, calcular ils custs, preparar ed empustar material
- elavurar variantas, visualisar plans ed als preschentar
- controllar plans da custs e termins da projects currents e scriver rapports
Endrizzar ed amplifitgar sistems da l'automatisaziun d'edifizis u sistems da communicaziun e da multimedia
- endrizzar raits da datas per sistems da ECM
- colliar differents elements (cumponentas sco p.ex. regulaziuns, apparats electrics, telefons, multimedia)
- endrizzar colliaziuns tranter las differentas cumponentas e las raits da datas
- programmar programs ch'èn necessaris per l'utilisaziun u als adattar al sistem
- garantir la protecziun dals sistems e da datas
- examinar sistems d'automatisaziun d'edifizis novs u amplifitgads, far mesiraziuns ed als metter en funcziun
Servetsch da clientella e documentaziun tecnica
- cumpilar e tgirar las documentaziuns dals indrizs, scriver manuals, protocollar resultats da tests e mesiraziuns ed exequir novs tests per projects simpels
- tschertgar raschuns per sbagls e disturbis ed instradar lavurs da service
- explitgar il diever correct dals sistems da ECM als collavuraturs, als clients ed a las clientas
- mantegnair e tgirar ils sistems
Scolaziun
Basa legala
Ordinaziun federala 26-11-2020
Durada
4 onns
Direcziuns
- planisaziun
- automatisaziun d'edifizis
- communicaziun e multimedia
Furmaziun en la pratica
En in manaschi. Durant il 2. e 3. onn d'emprendissadi en direcziun planisaziun ha mintgamai lieu in praticum da 3 mais en in'autra direcziun.
Furmaziun en scola
2 dis (1./2.onn d'emprendissadi), respectivamain 1 di (3./4. onn d'emprendissadi) per emna a la scola professiunala
Roms professiunals
- planisaziun e direcziun da projects
- coordinar/projectar sistems da ECM
- endrizzar ed amplifitgar sistems d'automatisaziuns d'edifizis, communicaziun e multimedia
- examinar/documentar sistems
- sustegnair la clientella
Curs ordaifer il manaschi
realisar projects da ECM ed approfundar las enconuschientschas
Maturitad professiunala
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Diplom
Attestat federal da qualificaziun "Informaticher d'edifizi / Informaticra d'edifizi AFQ"
Premissas
Furmaziun preliminara
- Temp da scola obligatoric terminà
- bunas enconuschientschas d'informatica
Pretensiuns
- interess vi da l’electrotecnica, la tecnica e l’informatica
- patratgar abstract e logic
- enclegientscha tecnica
- moda da lavurar conscienziusa
- abilitad da lavurar en in team
- nagins problems da la vesida da colurs (ins sto savair distinguer las colurs dals cabels)
- buna demananza (contact cun la clientella)
- flexibilitad (pertutgant il lieu ed il temp da lavur)
Furmaziun supplementara
Curs
purschidas d’associaziuns professiunalas, scolas professiunalas ed instituts tecnics
Examen professiunal (EP)
Informaticher / Informaticra d'edifizi cun certificat professiunal federal
Examen professiunal superiur (EPS)
Informaticher d'edifizi diplomà / Informaticra d'edifizi diplomada
(examen professiunal superiur en elavuraziun)
Scola spezialisada superiura (SSS)
direcziuns da studi en il sectur tecnic, p.ex. tecnicist / tecnicista telecommunicaziun SSS, tecnicist / tecnicista electrotecnica SSS u tecnicist / tecnicista informatica SSS
Scola auta spezialisada (SAS)
p.ex. Bachelor of Science (SAS) en telecommunicaziun, Bachelor of Science (SAS) en electrotecnica u en tecnica d’edifizis (direcziun da studi: engineering d'edifizis ed electric) Tut tenor scola auta spezialisada valan differentas cundiziuns d'admissiun.
Cundiziuns da lavur
Informatichers ed informaticras d'edifizi lavuran en interpresas d’installaziuns electricas, en manaschis da telecommunicaziun, multimedia ed automatisaziun d'edifizis. Els èn per regla savens per via. Tut tenor il lieu da lavur ston els era lavurar durant la notg u durant la fin d’emna u far servetsch da pichet.
Perquai ch'ils sistems d'automatisaziun d'edifizis, communicaziun e multimedia cuntinueschan a sviluppar rasantamain, ston il informatichers e las informaticras d'edifizi adina puspè frequentar furmaziuns supplementaras. Persunas dal fatg qualifitgadas èn tschertgadas sin il martgà da lavur.
Ulteriuras infurmaziuns
EIT.swiss
Limmatstr. 63
8000 Zürich
Tel: +41 44 444 17 17
URL: www.elektriker.ch