Zum Titel springen

Toler / Tolera da carossaria AFQ

Tolers e toleras da carossarias exequeschan lavurs da reparatura pretensiusas vid vehichels da persunas e vehichels utilitars. Parts ch’èn smatgadas en mettan els en lur furma originala e parts da la carossaria ch’èn donnegiadas fitg ferm remplazzan els tras novas parts.

Lavurs

Els exequeschan suandantas lavurs:

Preparaziun da las lavurs
  • mesirar cun spezials indrizs da mesiraziun e diagnosa ils donns vid il vehichel ed examinar las funcziuns da la cumponenta electronica
  • calcular ils custs da la tocca che sto vegnir reparada, planisar e coordina la reparatura
  • allontanar tocca che pudess impedir las lavurs da reparatura, p.ex. sistems da clima, sistems da svapur e da tracziun u tocca electronica sco indrizs d’illuminaziun e da signal
Reparatura
  • reparar cumponentas electronicas sco lingias
  • exequir simplas reparaturas vid ils sistems da segirezza e confort, p.ex. vid sensurs e cameras
  • far u leger dissegns da lavuratori nua che necessari, construir e montar simpla nova tocca da carossaria
  • far ora bottas a tocca da carossaria donnegiada cun indrizs e guaffens spezials
  • metter puspè en la furma originala tocca defurmada cun agid da tecnicas da trair e smatgar
  • enconuscher e duvrar differents materials da fabricaziun (metals, materia sintetica) e tecnicas per separar e metter ensemen cumponentas da carossaria, p.ex. buglir,  lutegiar, struvegiar u metodas da reparatura cun materia sintetica
  • reparar u remplazzar envaidradira dals vehichels
  • glimar surfatschas, gulivar malgulivezzas, dar si protecziun da corrusiun
  • enconuscher e far diever da las prescripziuns da la protecziun da la lavur e da l'ambient, dismetter u reciclar il rument a moda cumpetenta
Lavurs da finiziun ed embelliment
  • montar danovamain las cumponentas demontadas e manar il vehichel silsuenter en il lavuratori da vernischar
  • exequir lavurs finalas ed examinar sche tut funcziuna puspè
  • midar models da vehichels classics tenor giavischs da la clientella, p.ex. montar in spoiler u prender part da la restauraziun da vehichels vegls

Scolaziun

Durada

4 onns

Furmaziun en la pratica

En ina tolaria da carossaria

Furmaziun en scola

1 di per emna a la scola professiunala

Cumpetenzas d'agir

  • giuditgar donns da vehichels
  • montascha e demontascha e lavurs da finiziun
  • exequir lavurs da dar furma
  • refurmar, separar ed enchastrar tocca da carossaria
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "toler / tolera da carossaria AFQ"

Premissas

Furmaziun preliminara
  • temp da scola obligatoric terminà
  • fufragnadi e test da qualificaziun
Pretensiuns
  • inschign manual marcant
  • enclegientscha tecnica
  • mauns inschignus per lavurar a moda exacta
  • abilitad da s’imaginar chaussas en il spazi
  • senn per furmas e colurs
  • fidadadad
  • autonomia
  • nagina sensibilitad da canera

Furmaziun supplementara

Curs

purschidas dal Schweiz. Carrosserieverband VSCI, da produciders d’isegls spezials e da scolas professiunalas

Certificat da la branscha:

  • spezialist da carossaria (tolaria)
  • coordinatura da lavuratori d'autos (branscha da carossaria)
  • restauratur (tolaria da carossarias)
  • cussegliadra da restauraziun

Examen professiunal (EP)

Cun diplom federal:

  • schef dal lavuratori (direcziun tolaria da carossaria)
  • restauratura da vehichels (direcziun tolaria da carossaria)

Examen professiunal superiur (EPS)

Mainafatschenta carossaria dipl.

Scola auta spezialisada (SAS)

p.ex. Bachelor of Science SAS) en tecnica d’automobils  e vehichels. Tut tenor scola auta spezialisada valan differentas cundiziuns d'admissiun.

Spezialisaziun

sco expert / experta da donns, furmaziun supplementara tar ina societad d’assicuranzas

Cundiziuns da lavur

Tolers da carossaria lavuran savens en manaschis da carossarias pitschens u mesauns. Suenter ina furmaziun supplementara èsi er pussaivel da lavurar sco expert da donns per assicuranzas u sco cussegliader da clients en in manaschi da carossaria.

Els èn dumandads sin la fiera da lavur. Las cundiziuns d’engaschament vegnan regladas tras in contract collectiv da lavur.

Ulteriuras infurmaziuns

Carrosserie Schweiz
Forstackerstr. 2B
4800 Zofingen
Tel: +41 62 745 90 80
URL: www.carrosserieberufe.ch



berufsberatung.ch