Lavurs
Survegliaders e survegliadras da bartgas tgiran differentas sorts da bartgas a motor, bartgas da remblar ed a vela. Els mantegnan ils motors, ils indrizs sanitars sco er l’equipament interiur ed exteriur e fan reparaturas. Plinavant s’occupan els dal deposit professiunal durant l’enviern.
Els exequeschan suandantas lavurs:
Mantegnair las bartgas
- manevrar las bartgas cun agid dad indrizs d’auzar e transport sco tractors, tschaghegnas u plunaders en il lavuratori (l’uschenumnà plazzal naval)
- controllar las differentas parts da la bartga, p.ex. il bist, la carena, la pala e la battaria
- controllar ils motors tenor las instrucziuns, als giustar e nettegiar
- mantegnair ils indrizs electrics e sanitars e remplazzar parts defectas
- montar e giustar l’apparatura nautica (arber, vela e sugas) da la bartga a vela
- preparar las bartgas per la controlla uffiziala e procurar che tut correspundia a las perscripziuns legas per obtegnair la licenza
- resguardar las perscripziuns per la protecziun da l’ambient ed evitar la polluziun da l’aua
Reparar las bartgas e montar ils instruments
- prender mesiras e far skizzas da las parts da las bartgas
- fabritgar tocca da reserva cun guaffens u maschinas ord differents materials sco lain u materia sintetica u far reparaturas
- far simplas reparaturas ord lain, poliester u materials cumponids (consistind ord differents materials) vid la bartga
- dar si vernisch da protecziun sin las surfatschas, per ch’ellas sajan protegidas da l’umiditad, dal sulegl e da la schelira
- montar elements sco chazzolas, lampas, stgaudaments u ventilaziuns
- montar apparaturas da funk e communicaziun ed auters instruments da bartga
Scolaziun
Durada
4 onns
Furmaziun en la pratica
en chantiers
Furmaziun en scola
1 di per emna a la scola professiunala a Zofingen, Morges u Bellinzona
Roms professiunals
- exequir lavurs da mantegniment e da modificaziun dals indrizs tecnics da bartgas
- elavurar materials
- manevrar bartgas e manischar cun sistems da transport e d‘auzar
- exequir lavurs da planisaziun, da controlla e da mantegniment
Curs ordaifer il manaschi
Emprender ed exercitar a moda pratica la basa professiunala, 19 dis durant 4 onns, repartì sin 3 curs
Permiss dad ir cun bartga
Tar la scolaziun da basa tutga er l’acquist dal permiss d’ir cun bartga categoria A (bartgas a motor) e categoria D (navs a vela). Il manaschi da scolaziun surpiglia ils custs per mintgamai 10 lecziuns per l’instrucziun pratica.
Maturitad professiunala
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Diplom
Survegliader / Survegliadra da bartgas AFQ
Premissas
Furmaziun preliminara
- scola populara terminada
Pretensiuns
- inschign manual
- enclegientscha tecnica
- movibilitad corporala
- buna sanadad e constituziun robusta
- plaschair vi dal sport d’aua
Furmaziun supplementara
Curs
purschidas da l’Associaziun svizra dals constructurs da bartgas tar divers temas sco electrotecnica, cussegliaziun da clientella e vendita etc.
Furmaziun da basa scursanida
Constructur da bartgas AFQ en 2 onns
A l’exteriur
Bachelor of Engeneering en la construcziun da bartgas e tecnica da da mar, Bremen e Kiel, Germania
A l’exteriur
cun scolaziun correspundenta vegnan purschids studis da las scolas autas spezialisadas en la Germania ed en l’Engalterra, p.ex. studi da Bachelor en construcziun da bartgas u tecnica da mar a las scolas autas spezialisadas da Bremen e da Kiel
Bachelor of Science in Navigation and Maritime Science, Plymouth, Engalterra
Bachelor of Eneneering in Yacht and Powercraft Design, Southampton, Engalterra
Bachelor of Engeneerin in Ship Science, Southampton, Engalterra
Cundiziuns da lavur
Survegliaders e survegliadras da bartgas lavuran en teams pitschens en lavuratoris serrads u mez averts. Las bleras lavurs exequeschan els dentant en il liber. Durant la stagiun da bartgas è la capacitad da lavur pli auta, perquai che las persunas da professiun porschan servetschs d’agid en cas da pannas la fin da l’emna e durant firads.
Survegliaders e survegliadras da bartgas lavuran en manaschis pitschens u mesauns. Er la polizia maritima e las autoritads da duana engaschan construiders da bartgas. Ulteriuras lavurs èn: scolast d’ir cun bartga a motor u a vela u en la branscha da la vendita da bartgas ed accessoris u ina funcziun sco expert dal donn tar ina assicuranza.
Ulteriuras infurmaziuns
Schweiz. Bootbauer-Verband
4800 Zofingen
Tel: +41 62 751 91 88
URL: www.traumberuf-bootbauer.ch