Lavurs
Installaturs sanitars ed installaturas sanitaras monteschan indrizs d’aua e gas e stabiliments per auas persas. Els installeschan, mantegnan e reparan indrizs sanitar sco bogneras, tualettas e lavabos. Durant lur lavur resguardan els l’effizienza d’energia e dal diever d’aua.
Els exequeschan suandantas lavurs:
Planisar lavurs
- studegiar plans da construcziun e tschiffar il basegn da la clientella
- designar simpels plans da construcziun e calcular las quantitads
- calcular la quantitad da la tocca duvrada e fixar termins
- elavurar plans per la montascha dals sistems
- organisar il transport ed il deposit dal material sin il plazza, segirar il plazzal
- planisar ils pass da lavur concrets en il lavuratori u sin il plazzal
Installar ils conducts d’aua
- construir e montar ils conducts d’aua, gas u auas persas tenor plan: tagliar bischens, montar colliaments e sturschidas, montar parts singulas, fixar cun struvas, collar e buglir
- montar installaziuns sanitaras
- installar apparats sanitars sco tualettas, bogneras e lavabos sco er boilers e maschinas da lavar resti
- montar armaturas ed accessoris sco p.ex. fixaziuns dal vaider e stanga a duscha, tschantar colliaziuns
- installar auters indrizs, p.ex. indrizs solars u sistems da ventilaziun en tualetta, tenor instrucziun dals furniturs
- laschar controllar tschertas colliaziuns dals spezialists d’electro
- far la controlla da finiziun e scriver rapports
Reparar e mantegnair ils indrizs
- demontar, adattar e remplazzar ils conducts
- chattar e reparar parts che perdan aua, eliminar stuppadas da las derschentadas da tualetta, dechaltschinar boilers
- remplazzar indrizs sanitars, spinas d’aua ruts, stuppadiras u filters
- exequir lavurs da mantegniment tar la clientella
- demontar, sortir e dismetter materialias adattà a l’ambient
- mantegnair guaffens e maschinas
Scolaziun
Durada
4 onns
Furmaziun en la pratica
En in manaschi per installaziuns sanitaras u en in manaschi maschadà stgaudamant-ventilaziun-installaziuns
Furmaziun en scola
1 di per emna a la scola professiunala
Cumpetenzas da'agir
-
Planisaziun da las lavurs
-
Installaziun da las lingias da provediment d'aua
-
Installaziun da las lingias da provediment da gas
- Installaziuns da las lingias d'allontanament
- Montascha d'indrizs ed apparats sanitars
- dissegn spezialisà
Curs ordaifer il manaschi
Emprender ed exercitar a moda pratica la basa professiunala. 49 dis durant 4 onns.
Maturitad professiunala
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Diplom
Iinstallatur sanitar / Installatura sanitara AFQ
Premissas
Furmaziun preliminara
- Temp da scola obligatoric terminà
Pretensiuns
- inschign manual
- enclegientscha pratica
- enclegientscha tecnica
- imaginaziun dal spazi
- movibilitad corporala
- sanadad robusta
- abilitad da lavurar en in team
Furmaziun supplementara
Curs
purschidas da scolas spezialisadas e professiunalas, dals centers da furmaziun da suissetec sco er d’interpresas da la branscha da tecnica d’edifizis
Furmaziun da basa scursanida
en ina professiun parentada, p.ex. toler AFQ, installatura da stgaudaments AFQ, constructura da ventilaziuns AFQ u planisader da tecnica d’edifizis AFQ
Examen professiunal (EP)
p.ex. cun certificat professiunal federal
• schefmontadra sanitara,
• cussegliader energetic en edifizis
• manadra da project tecnica d’edifizis e.a.
Examen professiunal superiur (EPS)
p.ex. maister sanitar diplomà, planisadra sanitara diplomada
Scola spezialisada superiura (SSS)
p.ex. tecnicher dipl. SSS tecnica d’edifizis
Scola auta spezialisada (SAS)
Direcziuns da studi en champs spezialisads parentads. P.ex. Bachelor of Science (SAS) en tecnica d’edifizis. Tut tenor scola auta superiura valan differentas cundiziuns d’admissiun.
Cundiziuns da lavur
Installaturs sanitars lavuran en dus u en teams pli pitschens en il lavuratori ed er sin il plazzal. Tut tenor lavur portan els equipament da segirezza sco chalzers da segirezza, egliers u chapellinas. La glieud da professiun lavura stretgamain cun architects u autras persunas spezialisadas da la tecnica d’edifizis, han dentant er contact cun clientella mintgatant.
Il temp da lavur è regulars, la branscha dumonda dentant ina auta disponibilitad damai che tscherts problems da la rait d’aua ston vegnir schliads spert.
La glieud professiunala lavura pel pli en manaschis d’installaziuns sanitaras mesauns u gronds u en manaschis cumbinads da sanitar-stgaudament u da sanitar-stagner. Cun experientscha creschenta pon els surpigliar posiziuns da responsabladad sco manadra da team u manader dal plazzal. Intgins sa fan er independents u mainan filialas da gronds manaschis.
Ulteriuras infurmaziuns
Schweizerisch- Liechtensteinischer Gebäudetechnikverband (suissetec)
8021 Zürich 1
Tel: +41 43 244 73 00
URL: www.suissetec.ch