Lavurs
Lur lavurs èn las suandantas:
Fabritgar figuras, objects ed inscripziuns
- skizzar tocs singuls e serias pli pitschnas tenor ils giavischs da la clientella
- far skizzas, dissegns e models
- discutar ils sbozs cun la clientella
- decorar mobiglias per incumbensa da scrinarias
- per incumbensa da baselgias producir sutgas da chor u figuras religiusas
- per incumbensa d'uniuns fabritgar premis ambulants
- per incumbensa da clientas e clients privats entagliar vopnas da famiglia, monuments da fossa u sculpturas
- crear souvenirs
- restaurar objects da lain ed inscripziuns
- tagliar la furma criva cun ina resgia circulara u cun ina resgia a motor
- batter cun la mazza u cun in martè da lain cilindric sin il moni da l'entagliader
- tagliar davent stalizza per stalizza, fin che la furma giavischada e l'effect da l'object èn cuntanschids
- controllar cun il circul u ad egl la grondezza, la furma e la proporziun dals entagls
- tut tenor la lavur modifitgar la surfatscha cun titgira, vernisch, colur, ieli u tschaira
Elavura lain cun maschinas e cun urdains da maun
Scolaziun
Durada
4 onns
Furmaziun en la pratica
En in atelier da sculptura u a la Scola da sculptura da lain a Brienz (BE)
Furmaziun en scola
A la Scola da sculptura da lain a Brienz (4 blocs a ca. 2 emnas l'onn d’emprendissadi)
Roms professiunals
- incumbensa: contact cun la clientella ed accumpagnament, materials da fabricaziun, AVOR, elements creativs
- administraziun: calculaziun, marketing, documentaziuns
- fabricaziun: istorgia, utensils a maun, preparaziun da materials, schablonas / furmas, colliaziuns, maschinas, reparaturas / restauraziuns, tractaments da la surfatscha, fundaments professiunals, modellar / cular, entagliar, lavurar cun auters materials, montascha / furniziuns
Curs ordaifer il manaschi
Davart differents temas
Maturitad professiunala
La furmaziun pratica pretenda bler temp. Igl è perquai mo en cas excepziunals pussaivel da frequentar la scola da maturitad professiunala durant l’emprendissadi.
Diplom
Sculptur / Sculptura d’objects da lain AFQ
Premissas
Furmaziun preliminara
- terminà la scola obligatorica
- bunas prestaziuns en dissegn
- examen da qualificaziun a la Scola per sculptura en lain a Brienz (per la participaziun è la cundiziun quella d'avair frequentà ordavant dis da fufragnar)
Pretensiuns
- sentiment per l'art applitgà, furmas e proporziuns
- inschign manual
- talent da dissegn
- bun dun d’observaziun
- imaginaziun dal spazi
- senn per lavurs nettas ed exactas
- buna constituziun corporala
- pazienza e perseveranza
- autonomia
Furmaziun supplementara
Curs
Purschidas da la Scola da sculptura da lain a Brienz sco er da scolas d'art applitgà
Examen professiunal (EP)
Mastergnant / Mastergnanta en la Tgira da monuments cun attestat professiunal federal
Examen professiunal superiur (EPS)
Maister sculptur / Maistra sculptura da lain
Scola spezialisada superiura (SSS)
Curs da furmaziun en secturs spezials parentads, p.ex. Creader / Creadra SSS art figurativ u Creader / Creadra design da products SSS
Scola auta spezialisada (SAS)
Studi en direcziuns spezialas parentadas, p.ex. bachelor/master of arts (SAS) en conservaziun-restauraziun.
Tut tenor la scola auta spezialisada valan differentas cundiziuns d'admissiun.
Cundiziuns da lavur
Sculpturs d’objects da lain mainan per il solit in agen atelier. Persunas professiunalas talentadas cun blera perseveranza han bunas perspectivas da pudair viver da lur professiun. Ina segunda professiun è d’avantatg.
En Svizra datti var 30 plazzas d’emprendissadi; var dus terzs a la Scola da sculptura da lain a Brienz. Las ulteriuras plazzas d’emprendissadi chatt’ins en l’entira Svizra, surtut en la Part Sura Bernaisa.
Ulteriuras infurmaziuns
Uniun svizra per sculpturas e sculpturs da lain
3855 Brienz BE
URL: www.holzbildhauerverband.ch
Scola da sculptura da lain
3855 Brienz BE
URL: www.holzbildhauerei.ch
Cuminanza d'interess artisanadi da lain IGKH
3855 Brienz BE
URL: www.kunsthandwerk-holz.ch