Lavurs
Ortulans ed ortulanas s’occupan da plantas e lur spazi vital. Tut tenor accent – orticultura e cuntrada, plantas decorativas, planteras u chaglioms - sa differenziescha lur lavur considerablamain. Els creeschan e tgiran p.ex. curtins e parcs, construeschan plazs el liber e puzs u cultiveschan e vendan plantas sco pegns, chaglioms e fluras. Las persunas professiunalas han in inschign manual, enconuschan las plantas ed han in egl per l’estetica.
Els exequeschan suandantas lavurs:
Producziun e vendita en ils accents spezials plantas decorativas, planteras u chaglioms
- preparar il terren per la plantaziun en il liber u en la serra
- arar ed engraschar il terren
- elavurar il material da plantas e las substanzas nutritivas
- semnar, nudar e tgirar las plantas
- plantar las plantinas en il terren, en satgs da plastic u vaschs
- eliminar singulas plantinas, liar si plantinas, montar rintgs e plantar els cun distanza per optimar la vegetaziun
- preparar e pachetar las plantas, ils chaglioms e las flurs da tagl per la vendita e calcular ils pretschs
- cussegliar e servir la clientella, prender encunter reclamaziuns
Decoraziun da flurs en l’accent da la plantas decorativas
- cumbinar bain flurs e plantinas e plantar ellas en vaschs
- metter ensemen matgs flurs e decorar locals per occurrenzas u festivitads sco nozzas u dis da naschientscha
- tgirar flurs decorativas u plantas da chasadas privatas u d’interpresas
- decorar ierts d’enviern
- crear e tgirar decoraziuns stagiunalas per ierts e santeris
Installar e tgirar spazis verds en l’accent da l’orticultura e cuntrada
- preparar il plazzal per inverdir
- mesirar las distanzas, calcular las surfatschas, allontanar terren e far giu chaglioms sche necessari
- construir p.ex. terrassas ord terra, collinas u surfatschas gulivas cun maschinas
- tschentar indrizs da deflussiun sco tumbins, chinettas u bischens e plazzar sdrimas da glera per che l’aua da plievgia possia sfundrar
- construir fundaments, mirs da sustegn, plazs, crappa d’ur, vias u stgalas ord crappa, plattas u lain
- construir inverdiments da tetgs, eras da flurs, curtins da crappa, pastgets
- nettegiar ils parcs e las vias: segar il pastget, zerclar las eras, tagliar enavos saiv vivas, plantas e chaglioms
Scolaziun
Durada
3 onns
Direcziuns
- orticultura e cuntrada
- plantera
- chaglioms
- plantas decorativas
Furmaziun en la pratica
En ina interpresa d’orticultura da la direcziun correspundenta
Furmaziun en scola
1 di per emna a la scola professiunala
Roms professiunals
- tut las direcziuns: cussegliaziun / vendita, furniziun / servetschs, lavur da mantegniment, lavur da plantar e semnar, nutriment e protecziun da plantas, enconuschientscha e diever da plantas
- tenor direcziun: tgira d’ierts e da spazis verds, orticultura e cuntrada, producziun da plantas, multiplicaziun da plantas
Curs ordaifer il manaschi
Tar differents temas
Maturitad professiunala
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.28 dis durant 3 onns.
Diplom
Ortulan / Ortulana AFQ
Premissas
Furmaziun preliminara
- temp da scola obligatoric terminà
Pretensiuns
- plaschair da lavurar en il liber ed en in team
- interess vi da plantas e biologia
- possa e movibladad
- dun d’observaziun
- pazienza ed exactadad
- buna sanadad, p.ex. naginas aller-gias da pollen e resistenza a l’aura
- enclegientscha tecnica per lavurs cun maschinas
- plaschair vi da lavurs creativas
Furmaziun supplementara
Curs
Purschidas da scolas professiunalas e da scolas autas sco da JardinSuisse
Furmaziun da basa scursanida
sco ortulana AFQ en in auter accent u sco flurist AFQ u en il sectur da l’agricultura, p.ex. pumicultura AFQ, ortulan da legums AFQ
Examen professiunal (EP)
cun certificat professiunal federal: ortulana u mastergnant da la tgira da monuments en l’accent orticultura
Examen professiunal superiur (EPS)
maister ortulan / maistra ortulana dipl.
Scola spezialisada superiura (SSS)
tecnicist diplomà SSS surveglianza da construcziun, accent orticultura ed agricultura
Scola auta spezialisada (SAS)
Bachelor of Science (SAS) en architectura da cuntradas, Bachelor of Science (SAS) en la domena inschigneria d’ambient. Tut tenor scola auta spezialisada valan differentas cundiziuns d’admissiun.
Cundiziuns da lavur
Ortulans ed ortulanas da l’accent plantas decorativas, planteras e chaglioms lavuran l’enviern en localitads protegidas u en serras, en mais pli chauds or el liber. Els lavuran savens persuls, mintgatant er cun auters spezialists da curtins.
Glieud da professiun en l’accent orticultura e cuntradas lavuran durant l’entir onn e da tut aura or en il liber. Per regla lavuran els en in team e stattan e contact regular cun lur clientella. Quai po p.ex. esser persunas privatas, funcziunaris, represchentants d’uniuns da sport u administraziuns d’immobiglias.
Ortulanas ed ortulans chattan lavur en manaschis d’orticultura, manaschis cun agens lieus da producziun u centers da perscrutaziun da l’orticultura. Els pon dentant er lavurar en grondas interpresas u tar uffizis., nua ch’els èn responsabels per la tgira dils parcs e la decoraziun cun flurs en l’intern dals edifizis. Suenter plirs onns d’experientscha da lavur pon els er vegnir poliers, responsabels per il parc, represchentants dal commerzi, cussegliaders tecnics, cussegliaders da clientella u collavuraturs d’in post da controlla.
Ulteriuras infurmaziuns
JardinSuisse
Unternehmerverband Gärtner Schweiz
5000 Aarau
Tel: +41 44 388 53 35
URL: www.jardinsuisse.ch
Stiftung LBB Lehrbetriebe beider Basel
4055 Basel
URL: www.lbb.info