Lavurs
Lur lavurs èn las suandantas:
Preparar lavurs da construcziun
- leger plans da construcziun e realisar instrucziuns
- segirar plazzals
- crear simplas skizzas d'elements da construcziun
- magasinar, ordinar e metter a disposiziun material da construcziun sut instrucziun
- mantunar terra or da fossals e consolidar spundas
Sustegnair lavurs da construcziun
- gidar a mesirar e definir las parts da construcziun
- dischlocar parts da construcziun prefabritgadas tenor instrucziun
- installar e gestiunar la retegnida d'aua averta tenor instrucziun, per tegnair davent aua dal fossal
- demontar parts da construcziun tenor instrucziun, p.ex. demolir paraids
- nettegiar e mantegnair apparats
Realisar lavurs da construcziun
- dismetter ils ruments a moda ecologica e segira
- segirar e rinforzar elements da construcziun tenor instrucziun
- betunar elements da construcziun tenor instrucziun
- construir mirs tenor instrucziun
- construir elements da construcziun simpels or da maulta, far stuppadiras ed isolaziuns tenor instrucziun
- documentar las lavurs da construcziun realisadas
Scolaziun
Durada
2 onns
Furmaziun en la pratica
en ina interpresa da construcziun
Furmaziun en scola
1 di per emna en la scola professiunala spezialisada
Furmaziun da scola a temp cumplain
• Albisbrunn, Hausen am Albis (ZH)
• Centre d'orientation et de formation professionelles COFOP, Losanna (VD)
Cuntegn
- preparar las lavurs da construcziun attribuidas
- sustegnair en connex cun lavurs da construcziun
- realisar lavurs da construcziun surdadas
- communitgar e collavurar en il team sin il plazzal
Curs ordaifer il manaschi
emprender, approfundar ed exercitar las basas professiunalas, 57 dis durant 2 onns
Diplom
Miradur / Miradura AFP
Premissas
Furmaziun preliminara
- terminà la scola obligatorica
Pretensiuns
- inschign manual
- chapientscha pratica
- abilitad da s'imaginar objects en moda tridimensiunala
- buna sanadad
- corporalmain fitta u fit
- senza sturnizi resp. nagina tema da las autezzas
- resistenza a l'aura
- abilitad da lavurar en in team
Furmaziun supplementara
Curs
purschidas da scolas spezialisadas e da scolas professiunalas spezialisadas sco er da la Societad svizra dals impressaris-constructurs SSIC, www.baumeister.swiss.ch
Miradur / Miradura AFQ
Miraduras e miradurs AFP pon per regla far in emprendissadi scursanì sco miradura u miradur AFQ. Suenter pon vegnir absolvidas las medemas furmaziuns supplementaras sco per miradura u miradur AFQ.
Cundiziuns da lavur
Miraduras e miradurs AFP lavuran da tutt'aura or en il liber. La stad datti plitost dapli lavur che l'enviern. Per part lavuran ellas ed els en grondas autezzas. Durant la lavur portan ellas ed els chapellinas, guants e chalzers rinforzads. Ellas ed els collavuran cun persunas spezialisadas sco miraduras AFQ u lainaris.
Miraduras e miradurs AFP èn activs en interpresas da construcziun da tuttas grondezzas. Cun las furmaziuns supplementaras correspundentas pon las persunas da questa professiun surpigliar posiziuns da responsabladad. Il martgà da lavur è fitg bun.
Ulteriuras infurmaziuns
Societad svizra dals impressaris-constructurs SSIC
8042 Zürich
URL: www.baumeister.swiss.ch