Lavurs
Lur lavurs èn las suandantas:
Montar e controllar ils tocs
- discurrer cun la clientella per chapir ils basegns
- montar tenor instrucziun ils velos novs obtegnids da producents
- configurar la sella, il guvernagl e la midada dals girs
- controllar il rom, las rodas, ils pneus, ils frains e la glisch
- nettegiar ils vehichels a duas rodas, per la vendita u per als returnar a la clientella
Reparar e mantegnair vehichels a duas rodas
- reparar ed equilibrar las rodas, pia giustar ils giavegls ed ils radis, demontar e montar pneus e controllar la pressiun da l'aria e sch'ils pneus èn isads
- mantegnair vehichels a duas rodas, p.ex. remplazzar midadas dals girs da velos u regladers da sveltezza da motos
- controllar, emplenir u midar il liquid dals frains
Far lavurs administrativas
- emplenir formulars d'empustaziun e da furniziun
- administrar magasins e collavurar tar inventarisaziuns
- nettegiar maschinas, urdains ed apparats da mesiraziun
- actualisar ils tools da computer
- dismetter en moda ecologica ils tocs duvrads, ils materials, las battarias ed ils liquids
Scolaziun
Durada
2 onns
Accents
- velo
- moto
Furmaziun en la pratica
en in lavuratori u en ina garascha
Furmaziun en scola
1 di per emna en la scola professiunala spezialisada
Roms professiunals
- controllar e mantegnair il rom e las parts dal schassis da vehichels a duas rodas
- remplazzar ed equipar posteriuramain cumponentas da vehichels a duas rodas
- sustegnair ils process dal manaschi
Curs ordaifer il manaschi
emprender, approfundar ed exercitar las basas professiunalas, 14 dis durant 2 onns
Diplom
Assistent / Assistenta per il mantegniment da vehichels a duas rodas AFP
Premissas
Furmaziun preliminara
- terminà la scola obligatorica
Pretensiuns
- inschign manual
- moda da lavurar independenta
- talent per calculaziuns
- chapientscha tecnica
- abilitads da la motorica fina
- dun organisatoric
- constituziun ferma
- conscienza per la prestaziun da servetschs
Furmaziun supplementara
Curs
purschidas da scolas professiunalas spezialisadas e da 2rodas Svizra, 2radschweiz.ch.
Emprendissadi supplementar
Assistentas ed assistents per il mantegniment da vehichels a duas rodas AFP pon per regla far in emprendissadi scursanì sco mecanista u mecanist da velos AFQ u sco mecanista u mecanist da motos AFQ. Suenter pon vegnir absolvidas las medemas furmaziuns supplementaras sco per las professiuns respectivas cun AFQ.
Cundiziuns da lavur
Assistentas ed assistents per il mantegniment da vehichels a duas rodas lavuran en pitschens teams sut la direcziun da mecanists da velos u da motos. Ellas ed els lavuran en lavuratoris e butias. Tut tenor il manaschi èn ellas ed els en contact direct cun la clientella. Lur temp da lavur sa drizza tenor las uras d'avertura da las fatschentas, uschia che las persunas da questa professiun lavuran mintgatant la sonda. Las uras da lavur durant stagiuns chaudas èn pli lungas che durant stagiuns fraidas.
Tut tenor l'accent chattan assistentas ed assistents per il mantegniment da vehichels a duas rodas plazzas en negozis per motos u per velos, en garaschas u tar constructurs da motos u da velos. Il martgà da lavur è bun, perquai che velos e motos giogan er en l'avegnir ina rolla impurtanta per la mobilitad.
Ulteriuras infurmaziuns
2rodas Svizra
5001 Aarau 1
URL: www.2radschweiz.ch