Lavurs
Els exequeschan suandantas lavurs:
Construir orglas
- designar il plan da construcziun detaglià da l'instrument
- planisar l'andament da la producziun
- fabritgar las singulas parts da l'orgla, p.ex. il portavent (reparta l'aria sin ils tschivlots), tocca pitschna per il register u singuls tschivlots da lain
- montar tocs singuls tar cumponentas da l'orgla ed als plazzar en la chascha da l'orgla
- installar cumponentas electronicas en l'indriz da cumond da l'orgla
Accordar l'orgla
- accordar mintga tschivlot da l'orgla ordavant separadamain
- resguardar la cundiziuns climaticas dal local
- sunar sco finiziun da la controlla l'instrument, giuditgar la disposiziun da sunar da l'orgla e far las regulaziuns correspundentas
- analisar ensemen cun ils spezialists e las spezialistas la caracteristica dal tun e far correcturas vid l'intunaziun sch'i è necessari
Mantegnair las orglas
- demontar l'orgla
- schubregiar parts da l'orgla, tractar la surfatscha e controllar sche l'instrument ha disturbis u mancanzas, sco p.ex. miffa, infestiun d'insects u fils d'asbest
Cussegliar la clientella
- infurmar la clientella davart reparaturas pussaivlas
- gidar a prender decisiuns tar la cumpra
Scolaziun
Basa legala
Ordinaziun federala dals 9-10-2019
Durada
4 onns
Furmaziun en la pratica
En in atelier u en in affar spezialisà per la construcziun d'instruments
Furmaziun en scola
Curs da bloc al center da furmaziun Arenenberg a Salenstein (TG) (instrucziun bilingua: tudestg e franzos)
Roms professiunals
- realisar incumbensas
- construir e reparar instruments da musica
- mantegnair e regular instruments da musica
- preparar ils instruments fin ch'els èn pronts per vegnir sunads
Curs ordaifer il manaschi
Emprender ed utilisar en la pratica la basa dal mastergn (curs da bloc al BBZA)
Maturitad professiunala
Fitg bunas prestaziuns da scola permettan da frequentar la scola da maturitad professiunala durant la furmaziun da basa.
Diplom
Attestat federal da qualificaziun "construider / construidra d'orglas AFQ"
Premissas
Furmaziun preliminara
- scola obligatorica terminada cun pretensius mesaunas u grondas
- instrucziun instrumentala d'orgla u d'in auter instrument è d'avantatg
Pretensiuns
- inschign manual
- imaginaziun dal spazi
Furmaziun supplementara
Curs
purschidas da scolas professiunalas e d'associaziuns professiunalas, p.ex. da la Cuminanza d'interess per construiders d'instruments da musica IGMIB u da la Societad svizra dals construiders d'orglas GSO
Scola spezialisada superiura (SSS)
diplom federal da maister / maistra per construcziun d'instruments a Ludwigsburg (Germania)
studis en direcziuns spezialas parentadas, p.ex. creader diplomà/creadra diplomada design da products (SSS)
Scola auta spezialisada (SAS)
Studis en direcziuns spezialas parentadas, p.ex. Bachelor of Arts (SAP) design industrial e da products.
Tut tenor scola auta spezialisada valan differentas cundiziuns d'admissiun.
Cundiziuns da lavur
Construiders e construidras d'orglas lavuran en lavuratoris u al lieu tar il client. Savens èn els engaschads en baselgias. Il martgà da lavur è pitschen en Svizra, ma la dumonda da spezialists talentads è stabila. Var 10 manaschis da la construcziun d'orglas porschan plazzas d'emprendissadi sco construider d'orglas, en tscherts manaschis da la construcziun d'orglas sco er en in manaschi spezialisà datti la pussaivladad d'emprender a construir tschivlots d'orglas. Suenter plirs onns experientscha professiunala e cun l'engaschament necessari han spezialists la pussaivladad d'avrir in agen atelier.
Ulteriuras infurmaziuns
Cuminanza d'interess construiders d'instruments da musica
c/o Elin Office AG
Amthausgasse 3
3011 Berna
Tel: 031 313 20 00
URL: www.musikinstrumentenbauer.ch