Lavurs
Els exequeschan suandantas lavurs:
Micro mecanica e segirezza
- producir e mantegnair utensils spezials per la montascha da la cumponentas dal mecanissem da l'ura, per exempel tirastruvas e pincettas
- designar skizzas e chapir dissegns tecnics
- suandar las instrucziun, enconuscher ed applitgar las pli impurtantas tecnicas sco resgiar, glimar, furar, fresar e lavurar cul turn automatic
- savair co far diever da substanzas privlusas, resguardar las prescripziuns da la segirezza al lieu da lavur sco er da la protecziun da l’ambient, dismetter il rument adattà a l'ambient
Direcziun montascha
- montar cumponentas da simpels mecanissems d'uras mecanicas e automatica e sa tegnair exactamain vid ils plans
- controllar schebain mintga cumponenta funcziuna
- nettegiar ed unscher il mecanissem da l'ura
- montar il plat e las lantschettas da l'ura, armar il mecanissem, montar il bratschlet da l'ura e controllar schebain l'ura è impermeabla
Direcziun regulaziun
- tschentar en las parts da l'ura sco la tocca dil sistem da spirala e rotaziun e la penna da l'ura (las parts dal mecanissem da l'ura che chaschunan il tictac da l'ura)
- controllar la precisiun dal mecanissem da l'ura
- metter en funcziun l'ura, far las configuraziuns e las adattar sch'i è necessari
Direcziun equipament (Habillage)
- nettegiar e preparar las cumponentas
- montar las cumponentas dal equipament (curuna, buttun, vaider e bratschlet)
- pulir l'ura finida cun la glima, la pasta u la rudella adattada da pulir
Scolaziun
Basa legala
Ordinaziun federala approvada 10-2-2015 (versiun dal 1-1-2021)
Durada
2 onns
Accents
- metter ensemen
- reglar
- equipar (Habillage)
Furmaziun en la pratica
En in manaschi da l’industria d’uras
Furmaziun en scola
1 di per emna a la scola professiunala Tag ZeitZentrum a Grenchen
Roms professiunals
- fabritgar apparats specifics per la branscha
- metter ensemen tocs singuls (inclusiv: instrucziun tenor accent ed applicaziun da las directivas areguard segirezza da la lavur, protecziun da la sanadad e da l’ambient)
- garantir ils standards da producziun
Curs ordaifer il manaschi
In COM cun il tema "La basa da lavurs micro mecanicas" (16 dis)
Diplom
Attest federal professiunal "lavurant / lavuranta d’uras AFP"
Premissas
Furmaziun preliminara
- temp da scola obligatoric terminà
- tschertas scolas u manaschis pretendan in examen d'admissiun
Pretensiuns
- mauns ruassaivels ed inschignaivels per lavurar a moda conscienziusa
- abilitad da leger endretg plans e da s’imaginar chaussas en il spazi
- enclegientscha tecnica
- pazienza e perseveranza
- vesida normala
Furmaziun supplementara
Curs
purschidas da la federaziun dals patruns da l’industria svizra d’uras e da scolas spezialisadas da la branscha d’uras
Urer / urera producziun AFQ u urer / urera AFQ
lavurants / lavurantas d’uras pon frequentar ina furmaziun da basa sco urer / urera AFQ u urer / urera producziun AFQ. Tar fitg bunas prestaziuns e cun furmaziun preliminara èsi pussaivel d'entrar en il 2. onn da furmaziun da basa.
Cundiziuns da lavur
Lavurants d’uras lavuran en manaschis da l’industria d’uras. Plazzas d’emprendissadi datti surtut en las regiuns dad uras tranter Genevra e Schaffusa.
Ulteriuras infurmaziuns
Arbeitgeberverband der schweiz. Uhrenindustrie
Avenue Léopold-Robert 65
Postfach
2301 La Chaux-de-Fonds
Telefon: +41 32 910 03 83
URL: www.berufe-uhrentechnik.ch