Zum Titel springen

Practicist / Practicista da medias stampadas AFP

Practicistas e practicists da medias stampadas AFP lavuran en manaschis da l'industria da stampa. Els lavuran en in team che stampa gasettas, cudeschs etichettas ed auters products. Els sa spezialiseschan en ina direcziun.

Lavurs

Els exequeschan suandantas lavurs:

Direcziun artgs da palpiri
  • endrizzar e preparar las maschinas che stampan artgas, pinar il palpiri e las colurs da stampar
  • survegliar la producziun da las artgas da palpiri e nettegiar il plaz da lavur a moda adattada a l'ambient a la fin dal process
Direcziun stampa sin rollas da palpiri
  • preparar ed endrizzar las maschinas da stampa d'offset, d'etichettas u da formulars, pender en las rollas da palpiri en las maschinas, las midar e discharmar preparar las colurs e pinar e magasinar las rollas dal palpiri
  • survegliar la producziun da la stampa e nettegiar il plaz da lavur a la fin adattà a l'ambient
Direcziun serigrafia
  • fabritgar culs per la stampa da t-shirts, plattas, buttiglias ed objects sumegliants
  • stampar a maun e vi da maschinas mez e cumplettamain automaticas e nettegiar il plaz da lavur a la fin adattà a l'ambient
Direcziun chartunascha ed emballadi
  • endrizzar las maschinas da tagliar e da stanzar
  • survegliar la producziun e far controllas da qualitad, magasinar endretg il material ed ils mez-fabritgads
Direcziun tecnica da reclama
  • producir els products per far reclama e per infurmar ed orientar, sco per exempel etichettaziuns per autos, stadions da sport u vitrinas

Scolaziun

Basa legala

Ordinaziun federala 3-5-2011  (versiun dal 1-1-2018)

Durada

2 onns

Accents

  • stampa sin artgas da palpiri
  • stampa sin rollas da palpiri
  • serigrafia
  • chartunascha ed emballadi
  • finiziun dals stampads
  • tecnica da reclama

Furmaziun en la pratica

En in'interpresa da grafica che scolescha l'accent giavischada

Furmaziun en scola

1 di l'emna a la scola professiunala

Roms professiunals

  • segirezza da la lavur
  • protecziun da la sanadad e da l'ambient
  • producir medias stampadas
  • Curs ordaifer il manaschi

    Emprender ed exercitar las basa professiunalas a moda pratica

    Diplom

    Attestat federal professiunal "practicist / practicista da medias stampadas AFP"

Premissas

Furmaziun preliminara
  • temp da scola obligatoric terminà
Pretensiuns
  • plaschair da maschinas
  • chapientscha da la tecnica
  • dun pratic
  • plaschair da lavurar en in team
  • naginas allergias da dissolvents e colurs
  • buna disposiziun e forza corporala, p.ex. per auzar chargias e lavurar en pe

Furmaziun supplementara

Curs

purschidas da federaziuns e d'associaziun professiunalas

Operatur / Operatura da medias stampadas AFQ

Practicists da medias stampadas pon far ina furmaziun da basa scursanida sco operaturs da medias stampadas AFQ, tecnologs da stampa AFQ u creaders (da tecnica) da reclama AFQ (access al segund  onn da la furmaziun da basa).

Suenter han els las medemas pussaivladads da furmaziun supplementara sco las professiuns AFQ correspundentas.

Cundiziuns da lavur

Practicists e practicistas da medias stampadas lavuran en differents manaschis da l'industria da stampa. Per exempel lavuran els en stampas, stampas da finiziuns da stampads, stampas da serigrafia, liarias da cudeschs, en la chartunascha u en fatschentas per tecnica da reclama.

Tut tenor direcziun e manaschi  lavuran practicists da medias stampadas era las fins d'emna e durant la notg.

Ulteriuras infurmaziuns

Biro paritetic da la furmaziun professiunala per la communicaziun visuala PBS
3000 Berna 7
Tel: +41 31 372 28 28
URL: www.pbs-opf.ch

Associaziun tecnica da reclama + Print
Secretariat VWP
9472 Grabs
Tel: +41 81 750 35 88
URL: www.v-w-p.ch

viscom – swiss print & communication association
3000 Berna 7
Tel: +41 58 225 55 00
URL: www.viscom.ch



berufsberatung.ch