Lavurs
Lur lavurs èn las suandantas:
Sustegnair la clientella
- adattar il sortiment da cudeschs tenor la dumonda da la clientella ed exponer novas publicaziuns
- preschentar products a la clientella, p.ex. en la vaidrina
- retschaiver la clientella, entrar sin ses giavischs e gidar tar la tscherna dals products
- cussegliar la clientella, p.ex. persunas che tschertgan in regal entaifer in tschert sectur tematic
- gidar la clientella cun experientscha a tscherner cudeschs, p.ex. schurnalistas, tgirunzs u botanicras
- retschertgar cudeschs u autras medias, p.ex. sur in sistem da catalog digital
- elavurar barats e reclamaziuns
Administrar l'inventari
- tgirar contacts regulars cun purschiders en Svizra ed a l'exteriur e valitar e cumparegliar lur purschidas e lur servetschs
- far empustaziuns da cudeschs, da revistas e d'autras medias per emplenir l'inventari
- pachetar ora e controllar las furniziuns
- etichettar ils products ed als registrar en il computer
- metter las raubas en las curunas, en supports ed en vaidrinas ubain deponer talas en il magasin
- far regularmain glistas d'inventari da la rauba betg vendida e trametter enavos quella a la firma da distribuziun
- renovar e decorar las vaidrinas
- scriver quints, respunder dumondas da clientas e clients e manar la contabilitad
Scolaziun
Durada
3 onns
Furmaziun en la pratica
En ina libraria
Furmaziun en scola
1,5 dis per emna
Roms professiunals
- cussegliaziun e vendita
- process manaschials
- bibliografia e retschertga
- objects da commerzi
- litteratura, cultura, scienza
- lingua naziunala locala
- segunda lingua naziunala ed englais
Curs ordaifer il manaschi
Emprender, approfundar ed exercitar las basas professiunalas, 10 dis durant 3 onns
Maturitad professiunala
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Diplom
Librarist / Librarista AFQ
Premissas
Furmaziun preliminara
- terminà la scola obligatorica
Pretensiuns
- plaschair dal contact cun persunas
- interess per cudeschs
- buna furmaziun generala ed interess per eveniments actuals
- cumportament orientà a la clientella
- plaschair da retschertgar
- bunas enconuschientschas dal tudestg a bucca ed en scrit
- sensori per la digitalisaziun
- senn per urden
Furmaziun supplementara
Curs
purschidas da las scolas spezialisadas e da scolas professiunalas spezialisadas sco er da l'Associaziun svizra da las librarias e da las chasas edituras SBVV sbvv.ch
Examen professiunal (EP)
cun attestat professiunal federal, p.ex.:
- Librarist / Librarista
- Spezialist / Spezialista da commerzi en detagl
- Spezialist / Spezialista d'acquists
- Spezialist / Spezialista da vendita
- Spezialist / Spezialista da marketing
Examen professiunal superiur (EPS)
cun diplom federal, p.ex.:
- Manager / Managera da commerzi en detagl
- Manader / Manadra d'acquists
- Manader / Manadra da la vendita
Scola spezialisada superiura (SSS)
studis en secturs spezialisads parentads, p.ex.: Economa / Econom da manaschi dipl. SSS
Scola auta spezialisada (SAS)
studis en secturs parentads, p.ex. bachelor of science en:
- economia da gestiun
- multimedia production
- scienza d'infurmaziun
Tut tenor la scola auta spezialisada valan differentas cundiziuns d'admissiun.
Cundiziuns da lavur
Libraristas e librarists cusseglian la clientella tar la tscherna da las medias respectivas. Ultra da quai tgiran ellas ed els buns contacts cun ils furniturs, en spezial cun las chasas edituras e cun lur auturas ed auturs. Il temp da lavur sa drizza tenor las uras d'avertura da la fatschenta. Perquai èsi pussaivel da stuair lavurar regularmain er la fin d'emna.
Libraristas e librarists lavuran en fatschentas da cudeschs e da multimedia, en antiquariats, en chasas edituras, en centers da distribuziun u en bibliotecas. I dat bleras furmaziuns supplementaras pussaivlas en il sectur da las chasas edituras, en il commerzi en detagl ed en il sectur commerzial.
Ulteriuras infurmaziuns
Schweizer Buchhändler- und Verleger-Verband SBVV
Part. Furmaziun (supplementara)
8031 Turitg
URL: www.sbvv.ch